პროფკავშირ ლაბორის ოფისში ფინანსთა სამინისტროს საგამოძიებო სამსახურის თანამშრომლები ჩხრეკას ატარებენ. ამის შესახებ პროფკავშირის Facebook LIVE-დან გახდა ცნობილი.
პროფკავშირის ადვოკატ თამილა გაბაიძის თქმით, გამოძიება სისხლის სამართლის კოდექსის 182-ე მუხლის მე-3 ნაწილის “ბ” ქვეპუნქტითა (მითვისება ან გაფლანგვა ჩადენილი დიდი ოდენობით ისჯება თავისუფლების აღკვეთით 7-დან 11 წლამდე, თანამდებობის დაკავების ან საქმიანობის უფლების ჩამორთმევით ვადით 3 წლამდე) და 362-ე მუხლის 1-ლი ნაწილით (დოკუმენტის გაყალბება, ისჯება ჯარიმით ან თავისუფლების აღკვეთით 3 წლამდე) გათვალისწინებული დანაშაულის ნიშნებით მიმდინარეობს.
პროფკავშირი ლაბორი განსაკუთრებით აქტიურია სოციალურ საკითხებთან დაკავშირებით. ჩვენ სოლიდარული ვართ სხვადასხვა მშრომელთა სამართლიანი პროტესტების მიმართ და გარდა ამისა, იყო ფაქტი, რომ საქართველოს პროფესიული კავშირის გაერთიანების თავმჯდომარესთან მოგვივიდა გარკვეული დაპირისპირება, არ ვეთანხმებოდით მის საქმიანობას, არჩევნებში იღებდა ლაბორი მონაწილეობას, გარიცხეს და რაღაცები ერთმანეთთან ბმაში და კავშირშია”, – ამბობს გიორგი დიასამიძე.
კომენტარები