რა ინფორმაცია აქვთ “ქართული ოცნების” წევრებს რუსების მიერ უკრაინაში მძევლად აყვანილ საქართველოს მოქალაქეებზე.
კახაძეს ქართველ ტყვეებზე საუბრისას ამბობს, რომ ინფორმაციის მიხედვით, რასაც როგორც თავად ამბობს, “თვალი მოჰკრა”, არის ის, რომ ქართველები “ტყვედ ჩაბარდნენ”.
დეპუტატი იქვე აცხადებს, რომ თუ საერთაშორისო კონვენციები ამის საშუალებას მისცემს ქართულ მხარეს, ისინი პოზიციას აუცილებლად დააფიქსირებენ:
ეს სამხედროები სად იბრძოდნენ?… მაგ ინფორმაციას მეც მოვკარი თვალი, იქ არის ტყვედ ჩაბარდნენო. აიყვანეს კი არა ტყვედ ჩაბარდნენო. სანამ ეს დატალები ზუსტად არ მეცოდინება, კომენტარს ვერ გავაკეთბ…
თუ საერთაშორისო კონვენციები ნებას იძლევა რომ ჩვან ჩვანი პოზიცია გამოვხატოთ, აუცილებლად გამოვხატავთ”- თქვა მან.
რუსმა ოკუპანტებმა უკრაინაში მძევლად საქართველოს მოქალაქეები აიყვანეს. ქართველების ვიდეომასალა რომელთა ვინაობას ჩვენ არ ვასახელებთ, რუსეთის თავდაცვის სამინისტრომ გაავრცელა. კადრებით დგინდება, რომ ქართველ მებრძოლებს რუსი ოკუპანტები კამერის წინ მათთვის სასურველი ტექსტის წაკითხვას აიძულებენ, აუდიო სკანირებით მარტივად დგინდება, რომ ეს ჩანაწერი სიტყვა-სიტყვა არის დამონტაჟებული .
„ტვ პირველი“
კომენტარები