“რა გვითხრა ევროკავშირმა ბატონი ჰარცელის განცხადებით ?…სამაგიეროდ სიმონიანმა, გავრილოვმა და კარასინმა გვითხრეს… ” – ლელა ჯეჯელავა

ევროკავშირის ელჩის საქართველოში, კარლ ჰარცელის დღევანდელ სკანდალურ განცხადებას  ეხმიანება თეოლოგი და ანალიტიკოსი,  ლელა ჯეჯელავა:

“რა გვითხრა ევროკავშირმა ელჩის, ბატონი ჰარცელის განცხადებით :

1. ისტორიული მომენტი ითხოვს საქართველოს ევროპულ ოჯახში შესვლას.

2. საქართველო ამ მომენტისათვის სათანადოდ მზად არ არის.

3, ევროკავშირი თვლის, რომ საქართველომ შეიცვალა ტრაექტორია .

4. გვითხრა, რომ ქვეყანაში არის პოლიტიკური კრიზისი.

5.გვითხრა რომ არ არიან დარწმუნებულები ჩატარებული არჩევნების დემოკრატიულობაში. რომ არ არის დაცული კანონის უზენაესობა, იდევნება მედია და წახალისებულია ძალადობა.

6 გვითხრა, რომ საქართველომ უნდა დაიბრუნოს რეგიონში საუკეთესო რეფორმატორის სტატუსი. (როდის ჰქონდა ეს სტატუსი, ყველას გვახსოვს)

სამაგიეროდ: სიმონიანმა, გავრილოვმა და კარასინმა გვითხრეს, რომ საქართველოს ადეკვატური ხელისუფლება ჰყავს და თუ ასე გააგრძელებენ, შეიძლება აუზში წყალიც ჩაგვისხან.”