დეპუტატი, პარლამენტის თავმჯდომარის მოადგილე, ლევან იოსელიანი:
“როგორც აღმოჩნდა, ტექნიკურად პარლამენტის თავმჯდომარის ვიზიტის ფარგლებში, ყველა პოლიტიკური ჯგუფის ერთად წამოსვლა გამოდის.
ახლა უკვე, რამდენად ერთიანი იქნება ეს ვიზიტი, ცალკეული პარტიების პოლიტიკური პასუხისმგებლობაა.
ისტორია კი ასეთი იყო:
თავდაპირველად უკრაინაში ერთიანი ვიზიტის ინიციატივა გამოვთქვით ოპოზიციურმა პარტიებმა და მოვუწოდეთ ქართულ ოცნებასაც, რომ ქართველი ხალხის პოზიციის დასაფიქსირებლად ყველანი ერთად წავსულიყავით. უმრავლესობის ცალკეული წევრები შემოუერთდნენ ინიციატივას.
დღეს უკვე პარლამენტის თავმჯდომარის სურვილმა, რომ მისი ხელმძღვანელობით წასულიყო სრული დელეგაცია, სურათი შეცვალა, ვინაიდან ამ შემოთავაზებით ოპოზიციიდან მხოლოდ სამ დეპუტატს შეეძლო წასვლა. რაც დამეთანხმებით, ისედაც ერთმანეთთან დაპირისპირებული პარტიებისთვის, საკმაოდ უხერხული გადასაწყვეტი იქნებოდა, რა კრიტერიუმებით უნდა შერჩეულიყო ეს სამი ადამიანი.
როგორც ბოლო განცხადებისას დადასტურდა, ქართული ოცნება მზადაა, ყველა პოლიტიკურ ჯგუფს მისცეს შესაძლებლობა, მონაწილეობა მიიღოს ერთიანი სამძიმრის გამოხატვაში.
ქართველი ხალხი ნამდვილად იმსახურებს, რომ უკრაინა ნამდვილად იყოს ის საკითხი, რომლის ირგვლივაც მთელი პოლიტიკური სპექტრი ერთიანები ვიქნებით.”
კომენტარები