ივლისში ინფლაციამ 4.3% შეადგინა, რაც, ბოლო ორი წლის განმავლობაში, ფასების ზრდის მაქსიმალური მაჩვენებელია.
საქსტატის თანახმად, ივლისში წინა წელთან შედარებით ყველაზე მეტად 124%-ით ლიმონი გაძვირდა. მეორე ადგილზეა კივი ფასის 65%-იანი მატებით, მესამეზე კი კარტოფილი ფასის 55%-იანი მატებით.
2025 წლის ივლისში ყველაზე გაძვირებული საქონლის ჩამონათვალი ასე გამოიყურება:
- ლიმონი124%
- კივი65%
- კარტოფილი55%
- ნიორი35%
- კაკაო32%
- ქორწინების 958 სინჯის ოქროს ბეჭედი29%
- საავადმყოფოს მომსახურება26%
- ნაყინი26%
- ტკივილგამაყუჩებელი მედიკამენტები23%
- მანდარინი23%
რაც შეეხება ყველაზე გაიაფებულ საქონელს – წელს ყველაზე მეტად – 27%-ით გაიაფდა კიტრი, ასევე 25%-ით გაიაფებულად ითვლება ინტერნეტის ტარიფი, რადგან გასულ წელს კომპანიებმა ტარიფის შენარჩუნებით ინტერნეტის სიჩქარის გაზრდის გადაწყვეტილება მიიღეს, ასევე 19%-ით არის შემცირებული წიწაკის ღირებულება, საზამთრო კი 16%-ით არის გაიაფებული.
2025 წლის ივლისში ყველაზე გაიაფებული საქონლის ჩამონათვალი კი ასე გამოიყურება:
- კიტრი-27%
- ინტერნეტის გადასახდელი-25%
- წიწაკა-19%
- საზამთრო-16%
- ქალის შარვალი-16%
- მწვანე ლობიო-15%
- სპორტული ფეხსაცმელი-14%
- მამაკაცის დათბუნებული ქურთუკი-12%
- დიზელის საწვავი-11%
- მაცივარი-11%
კომენტარები