ევროკომისიის პრესსპიკერის, ანიტა ჰიპერის თქმით, ივანიშვილის ხელისუფლებამ ევროკავშირის სპეციალური წარმომადგენლის, დევიდ ო’სალივანისგან წერილი მიიღო. მისი განმარტებით, წერილი სანქციების შესრულებას ეხება და მსგავსი წერილი ყველა ქვეყანამ მიიღო. წერილის შესახებ კითხვა ჰიპერს ტელეკომპანია ფორმულას ჟურნალისტმა დაუსვა.
“ნამდვილად ვადასტურებთ, რომ საქართველოს მთავრობას წერილი გავუგზავნეთ. ეს ეხება საქართველოს მიერ აღებულ ვალდებულებას, არ დაეშვა ევროკავშირის სანქციებისთვის გვერდის ავლა. ამ საკითხზე ყველა ქვეყანასთან გვქონდა კომუნიკაცია, რაც ჩვენი უფრო ფართო, გლობალური ჩართულობის ნაწილია.
საქართველოს ხელისუფლებისგან პასუხს კვლავ ველით და მათ დამატებითი ქმედებებისკენ მოვუწოდებთ, რათა დავრწმუნდეთ რომ რუსეთი არ ცდილობს, გვერდი აუაროს სანქციებს, რომლებიც ეფექტურად მუშაობს და რუსეთი სასოწარკვეთილად ცდილობს მათ გვერდი აუაროს”. – თქვა ჰიპერმა.
მანამდე, ივანიშვილის საგარეო საქმეთა მინისტრმა, მაკა ბოჭორიშვილმა განაცხადა, რომ ევროკავშირის მხრიდან მადლობის წერილი მიიღო, თუ რამდენად კარგად ასრულებს საქართველო თანამშრომლობით აღებულ ვალდებულებებს და რამდენად კეთილსინდისიერად ახორციელებს ყველა ქმედებას, რომ საქართველო არ იყოს გამოყენებული სანქციების გვერდის ასავლელად.
ფოტო – ტვ პირველი
კომენტარები