რა დაპირისპირება აქვს რურუას და მერაბიშვილს? – “კითხეთ გიორგის” – ხაბეიშვილი

ლევან ხაბეიშვილი, ვანო მერაბიშვილზე გიორგი რურუას წერილს ეხმაურება და ამბობს, რომ შესაძლოა რურუას პირადი კონფლიქტი ჰქონდეს ვანო მერაბიშვილთან.

ხაბეიშვილი:

“ჩემი საყრდენი არჩევნებში და ზოგადადაც არიან „ნაციონალური მოძრაობის“ მხარდამჭერები, ის ადამიანები, რომელებიც წლების განმავლობაში არიან შეურაცხყოფის ტერორის ქვეშ და არ დანებდნენ. დიახ ლევან ვარშალომიძე და მისი გუნდი მიჭერს ღიად მხარს. დიახ, ვანო მერაბიშვილი თუ სადმე ჩადის და თუ ვინმეს ამობილიზებს იმის გამო, რომ ჩვენ გენერალური ბრძოლა გვაქვს რუსი ოლიგარქის წინააღმდეგ და ამაზე შიშები აქვს „ოცნებას“ და ბიძინა ივანიშვილს, დაე ეშინოდეთ. ვაპირებ გავაღვიძო ყველა მიძინებული ადამიანი, რომელსაც უნდა ამ ქვეყნის კეთილდღეობა, თუმცა ოპოზიციიდან გამომდინარე, რუსი ოლიგარქიდან გამომდინარე, საღათას ძილით მიაძინეს, ჩააგდეს ნიჰილიზმში. როცა რამეს ვლაპარაკობთ ფარულობაზე, არ ვიცი ეს ადამიანი ფოტოებს იღებს და სოციალური ქსელით ავრცელებს, მეტი საჯაროობა რა უნდა იყოს არ ვიცი, სამივლინებოს ხო არ გამოწერს, ან სამსახურში უნდა მივიდეს სადმე? თქვენ იცით, რომ რამე ოთახი აქვს და იქ უნდა გამოცხადდეს? თუ ფიქრობთ, რომ ადამიანებს ვინმემ უნდა აუკრძალოს გადაადგილება, ან სადმე თუ წავა სამივლინებო ბარათები უნდა გამოწეროს? მე ვწუხვარ ამის გამო, თუ პირადი დაპირისპირება აქვს მას ვინმესთან და ასეთ განცხადებებს აკეთებს. კითხეთ გიორგის“