ქართულ მედიასა და სოციალურ ქსელებში საქართველოს ნეიტრალიტეტის თემის გარშემო გააქტიურებას, სოციალურ ქსელში ეხმაურება მსახიობი ნანა ლორთქიფანიძე. მსახიობი ამბობს, რომ თემა „ნაციონალურმა მოძრაობამ“ მიზანმიმართულად წამოჭრა და გაააქტიურა.
„რატომ ასწიეს მაინცდამაინც ახლა ნეიტრალიტეტის თემა მიშამ და ნაცებმა?
თუ “ქართული ოცნება” განცხადებებში ოდნავ მაინც დაუშვებს ამაზე მსჯელობის ალბათობას, ატეხენ ამბავს შიგნითაც და გარეთაც, ესენი უარს ამბობენ ევროკავშირზე და ნატოზე, რუსეთუმეები არიანო.
თუ პირიქით, მკაფიოდ გაიმეორებენ იმას, რაც თვითონ ჩაწერა “ქართულმა ოცნებამ” კონსტიტუციაში ნატოს და ევროკავშირის მიმართულებით, დღევანდელ სიტუაციაში ეგ ნიშნავს რუსეთისთვის წითელი ნაჭრის აფრიალებას და არსაიდან საბაბის მიცემას. თან რუსეთს ომი ოთხმილიონიან ქვეყანასთან ათჯერ ურჩევნია, ვიდრე ორმოცმილიონიან უკრაინასთან.
ოცნებაში ჭკუა ეყოთ, მიუხვდნენ, ამ რუსულკაუჭიან ანკესზე არ წამოეგნენ და საერთოდ არ შევიდნენ თემაში. დღეს ასეთი პოლიტიკა ფიზიკური გადარჩენის დონეზე მნიშვნელოვანია, ხვალ ახალი გეგმები იქნება გასაწერი, ეროვნული, ქართული, ევროპული!“- წერს მსახიობი.
რაც შეეხება თემის გააქტიურების მიზნებს, ნანა ლორთქიფანიძე მიიჩნევს, რომ უკრაინაში მიმდინარე მოვლენების ფონზე, საქართველოს ნეიტრალიტეტზე აქცენტების გადატანა ქვეყნის მტრობის ტოლფასია.
„ახლა რაც შეეხება თემის “გაპიარების” ავტორებს: მე თუ არასწორად გავიგე რამე, ვინმემ მიპასუხეთ, რა აუცილებლობას წარმოადგენს შუა ომის დროს ამ თემაზე საუბარი? მაინცდამაინც ახლა რატომ არის ეს აუცილებელი? თქვენ მოღალატეები არ ხართ, თქვენ თავად ხართ მტრები ოკუპანტთან ერთად, მოღალატეა ის, ვინც თქვენი და პუტინის საქმეს აკეთებს!“ – წერს მსახიობი.
კომენტარები