შინაგან საქმეთა სამინისტროში, სადაც 23 წლის თამარ ბაჩალიაშვილის მშობლები იმყოფებოდნენ, ბაჩალიაშვილის დედა თეონა თამაზაშვილი შეუძლოდ გახდა, რის გამოც საგამოძიებო უწყებაში საწრაფო გამოიძახეს. თამარ ბაჩალიაშვილის ადვოკატის მიხეილ რამიშვილის თქმით, ნახეს აუდიო და ვიდეო ჩანაწერები, რომლის გამოც თეონა თამაზაშვილი შეუძლოდ გახდა.
„შვილის ხმის გაგონებაზე და ვიზუალურად შვილის დანახვაზე ცუდად გახდა. შვილს, რომ დაინახავ მაინც სულ სხვა შეგრძნებაა. მით უმეტეს, დედა მაინც სხვანაირად აღიქვამს. რთულია შვილს, რომ ხედავ ის შენთვის ყოველთვის ცოცხალია. ძალიან ცუდად გაგვიხდა ქალბატონი თეონა”, – განაცხადა რამიშვილმა.
მანამდე, თამარ ბაჩალიაშვილის მამამ განაცხადა, რომ კომპიუტერში იყო მნიშვნელოვანი ინფორმაცია, ასევე იყო ვიდეოებიც.
კომენტარები