ქვეყნის ღალატი, თუ სპეკულაცია? – რაში ადანაშაულებს ივანიშვილის გუნდს რაქვიაშვილი

„გირჩის“ დეპუტატი, ალექსანდრე რაქვიაშვილი “ოცნების“ განცხადებას ეხმაურება და ამბობს:

პრინციპის დონეზეც არ მესმის, რა უნდა გამოვიძიოთ – ჩვენმა ქვეყანამ ომი საკუთარ ქვეყანაში დაიწყო?! ეს ხომ აბსურდია! „ქართულ ოცნებას” არაფერი უშლის ხელს, რომ გამოძიება ახლაც ჩაატაროს, ან ადრე გამოეძიებინა – მის ხელშია სუს-ი, პროკურატურა, სასამართლო, წვდომა აქვს საიდუმლო მასალებზე.

ეს ყველაფერი მხოლოდ იმაზე მიუთითებს, რომ რეალურად არაფერია გამოსაძიებელი, ან სხვა შემთხვევაში უნდა დავუშვათ, რომ ბიძინა ივანიშვილი და “ქართული ოცნების” მაღალჩინოსნები ღალატობდნენ ქვეყანას, რადგან ხედავდნენ, რომ “ნაციონალურმა მოძრაობამ” რაღაც საშინელებები ჩაიდინა და არ გამოიძიეს. ეს ყველაფერი წინასაარჩევნო სპეკულაციაა და სხვა არაფერი. 

ბიძინა ივანიშვილის გუნდი ყოფილ ხელისუფლებას  “საჯარო  გასამართლებით”   ემუქრება – “ქართული ოცნება” ისევ ამტკიცებს, რომ ომი “8 აგვისტოს, ქართული მხარის პროვოკაციის გამო დაიწყო”. 

“ნებით მოსარჩელე მხარე ამ პროცესში და „ნაციონალურ მოძრაობას“ ქვეყნისა და ხალხის წინაშე ჩადენილი მოღალატეობრივი დანაშაულის გამო კოლექტიურად მოუწევს პასუხისგება”,– წერია „ქართული ოცნების“ პოლიტსაბჭოს განცხადებაში.