ქუთაისის ინფექციური საავადმყოფოდან დღეს სავარაუდოდ ორი პაციენტი გაეწერება. კლინიკის მთავარი ექიმის, თეიმურაზ ნადირაძის თქმით, პაციენტებს გამოჯანმრთელებაზე უკვე ჩაუტარდათ განმეორებითი ტესტები და პასუხები უარყოფითია.
კლინიკაში „კოვიდ-19“-ის დიაგნოზით 24 პაციენტია მოთავსებული, მათგან ერთი პაციენტი გუშინ მიიღეს. ახალგაზრდა მამაკაცს თურქეთში მოგზაურობის ისტორია აქვს და ის კარანტინიდან არის გადაყვანილი.
პაციენტებს შორის ოთხი საშუალო სიმძიმისაა, დანარჩენების მდგომარეობა დამაკმაყოფილებელია.
კომენტარები