ნაცმოძრაობის წევრი, ნუგზარ წიკლაური:
,,დღეს გირჩის რაქვიაშვილმა საჯაროდ აღიარა, რომ 2024 წლის შემდეგ საიდუმლო შეხვედრები ჰქონდათ ივანიშვილთან. შინაარსს ვერ გავამხელო, – ესაც დააყოლა.
გავიხსენოთ, ეს არის დრო, როდესაც თბილისის ქუჩები სავსეა ხალხით და პატრიოტები იცავენ ერთ-ერთ მთავარ – არჩევანის – კონსტიტუციურ უფლებას.
ასევე ეს ის დროა, როდესაც მთავრობამ ოფიციალურად გააცხადა ევროპის კარის დაკეტვა და ქვეყანა რუსულ-ჩინურ-აზიური დესპოტიისკენ წაიყვანა.
ეს არის დრო, როდესაც თავზარდამცემი სისასტიკით უსწორდებიან მომიტინგეებს, ქუჩებში დადიან წამების მინი მანქანები, აპატიმრებენ ახალგაზრდებს, ასახიჩრებენ და ულმობლად წამლავენ პროტასტანტებს…
ეს არის დრო, როდესაც კაციც და ქვეყანაც იბრძვიან სიცოცხლის უფლებისთვის და ეს არის ასევე ის დრო, როცა საქართველოში ღალატმა და რუსულმა ველურმა ძალადობამ დაისადგურა.
და აი ამ დროს ჩაიზე, ბიძინასთან, პიეტეტით, მრავალი თხოვნის შემდეგ ბაასობენ თურმე გირჩი და ბიძინა.
კარგად ჩანდა ბიძინას სახლიდან ჩვენი რბევა და წამება, გაზმა იქაც ხო არ ამოაღწია?!
თქვენი სირცხვილი იყოს: ახლა გინდა გირჩი გერქვათ და გინდ თხპ – ამ ქვეყნისთვის აღარ არსებობთ.“
ალექსანდრე რაქვიაშვილმა ,,ტვ პირველზე” განაცხადა, რომ ივანიშვილთან შეხვედრა მოითხოვეს და შეხვდნენ მას. ,,რაღაცნაირად გავიცანით ერთმანეთი” – თქვა რაქვიაშვილმა. ,,პოლიტიკურად იქედან არაფერი წამოგვიღია… არც პოლიტიკური პოზიცია შემიცვლია… ჭორაობას რატომ მთხოვთ…” – ამბობს რაქვიაშვილი და შეხვედრის დეტალებზე არ ლაპარაკობს. ის აცხადებს, რომ ბევრი კითხვა ვერ დაუსვა, ძალიან აინტერესებდა დანარჩენი ოპოზიცია ჰყავდა თუ არა მოსყიდული და თუ კიდე ექნება მასთან შეხვედრის შანსი, სიამოვნებით შეხვდება.
კომენტარები