ბლოგერი, ლევან ყურაშვილი:
ქოცების მხარდამჭერებთან მაქვს რამდენიმე კითხვა:
გუშინდელი კადრები თუ ნახეთ?ვიცი, ყველანაირად აარიდებდით თავს, მაგრამ სადღაც მაინც ამოგიხტებოდათ.მოგიწევდათ ადამიანის განწირული ყვირილის მოსმენა და იმაშიც დარწმუნებული ვარ, მინიმუმ არ გესიამოვნებოდათ.
ძალადობის ადრესატი ქვეყნის მტერი და ამომგდებიც რომ იყოს, ეგეთი ხმების მოსმენა და ეგეთი კადრების ყურება არავის სიამოვნებს, თუ მთლად სადისტი არაა.
ახლა მეორე კითხვა: იცით ეგ ბიჭი და მისი მეგობარი რატომ აწამეს?
ძალიან ჩვეულებრივი, ყოფითი ამბავია: ცუდად გაჩერებულ მანქანაზე შენიშვნის მიცემის გამო.
არც აგენტი ყოფილა და არც 50 აკაცუკიდან ერთ-ერთი.ჩვეულებრივი ადამიანი იყო, სამსახურიდან გამოვიდა, ისევ უკან ბრუნდებოდა და რომ არა გადაღებული ვიდეო, ახლა იჯდებოდა იზოლატორში დასისხლიანებული და ზემოდან რამდენიმე წლიან “სროკსაც” დააწევდნენ, პოლიციელზე წინააღმდეგობის გაწევისათვის ან სულაც ნარკოტიკს “უპოვნიდნენ.”
ჰოდა, ახლა მთავარი კითხვა: დარწმუნებულები ხართ, რომ თქვენ იგივე სიტუაციაში არ აღმოჩნდებით?
დარწმუნებულები ხართ, რომ ცუდად ჩაჭრის გამო, ვიღაცას არ მიუსიგნალებთ, იქედან მუტრუკები არ გადმოგიხტებიან და არ დაგასისხლიანებენ, “შენ ვის დაუსიგნალე, შე ყ&ო”-ს ბღავილით?
ჩემი ახსნა რად გინდათ, არ იცით როგორ დადიან დაბურულ შუშიანი მანქანები ქალაქში? მოგწონთ ეგ?ან მაღაზიის რიგში რომ მისცეთ შენიშვნა ვინმეს და იგივე ბედი გეწიოთ, მაგისგან დაზღვეული ხართ?არ ხართ, თქვენც ხომ იცით.ჰოდა, ამ ქვეყანაში ისეთი სიტუაციაა, საერთოდ მნიშვნელობა არ აქვს, ვისი მხარდამჭერი ხარ.უსამართლობა და თავგასული ჩინოვნიკი აუცილებლად მოვა შენამდე, ან შენი ოჯახის წევრამდე ან მეგობრამდე.გარდაუვალი ამბავია ეგ.და ეგ უსამართლობა რომ მოვა, საერთოდ არაა ფაქტი, რომ იქვე სადმე კამერა აღმოჩნდება.პირიქით, დიდი ალბათობით, ვერც ვერავინ გაიგებს.და იქნებით ნაცემებიც, ზემოდან შეიძლება “სროკიც” დაგიმატონ და თუ გაგიმართლათ, საპროცესოს გაგიფორმებენ.დამიჯერეთ, არანაირი მნიშვნელობა არ ექნება, ვისი მხარდამჭერი ხართ. გავეშებული სადისტისგან “ორმოზდაერთის” ძახილი ვერ გადაგარჩენთ, თუ მაინცდამაინც რომელიმე დეპუტატის ან მაძღარი მაღალჩინოსნის ოჯახის წევრი არ ხართ.
და ამას არ ვწერ ნიშნისმოგებითიფიქრეთ, რა ქვეყანაში ცხოვრობთ თქვენივე ჩუმი ან აქტიური მხარდაჭერით.














კომენტარები