61 წლის ტარიელ კუხალაშვილი 20 წელია, ვარკეთილში, ფიცრულ ქოხში ცხოვრობს. ჰყავდა მეუღლე, რომელიც 3 წლის წინ, ხორხის კიბოთი გარდაიცვალა და ჰყავს ორი შვილი. გოგონა გათხოვილია, ახლახან დაქვრივდა. 14 წლის ვაჟი. ბადრი მამასთან ცხოვრობს და ოჯახსაც უძღვება.
სალომე სამუშია, ჯგუფი „შენთან ვარ“ ადმინისტრატორი შემდეგი სახის ინფორმაციას აქვეყნებს:
“14 დეკემბერს დაიცალა ბადრის სახლი და დავიწყეთ რემონტი. მხოლოდ კედლები დარჩა, იატაკიც კი ავყარეთ და ახალი დავაგეთ. ვთხოვეთ, რომ ბადრი და ბატონი ტარიელი დასრულებამდე არ მოსულიყვნენ, რადგან გვინდოდა, სიურპრიზი ყოფილყო, რა კთდებოდა. თუმცა, ბატონ ტარიელს გულმა არ მოუთმინა და რამდენჯერმე მაინც მოვიდა. ბადრი კი მხოლოდ იმ დღეს მოვიდა, როცა სახლი ჩავაბარეთ. საოცარი ემოცია ჰქონდა და ძალიან გახარებული დავტოვეთ, თავის მყუდრო სახლში. ნაძვის ხეც დავუდგით, სურსათის 250-ლარიანი ვაუჩერიც გადავეცით, რომ საახალწლოდ პროდუქტი შეიძინონ.
სამწუხაროდ, ასე მოკლე ხანში ვერ მივიღეთ ნებართვა ბუნებრივი აირის შეყვანაზე, მაგრამ ამ ეტაპზე დენის გამათბობელი ექნებათ და ფულსაც ჩვენ გადავიხდით, მომავალში კი გაზსაც შევუყვანთ. მართალია, ვაგონში ცხოვრობენ, მაგრამ ახლა უკვე კარგი პირობები აქვთ და არც ჩვენ მივატოვებთ. ვეცდებით, შევუმსუბუქოთ მძიმე ყოფა. ახლა სხვა ბენეფიციარი გვყავს რიგში და მათ ამბავსაც მოგიყვებით, ახალი წლის შემდეგ”.
კომენტარები