“ქნესეთის რომელიღაცა წარმომადგენელი” – რა დაადასტურა და რა არ დაადასტურა სუსმა იციკ მოშეს გამოკითხვის შემდეგ?

სუსი ახალ განცხადებას ავრცელებს და ამტკიცებს, რომ იციკ მოშე გამოკითხა.

საქმე ეხება ქნესეთის წევრების საქართველოში ვიზიტის გაუქმების შესახებ ისრაელურ მედიაში გავრცელებულ ინფორმაციაზე.

რადიო თავისუფლებამ გაავრცელა ინფორმაცია, რომ ისრაელის მედიის ცნობით, ქნესეთის წევრები იძულებულნი გახდნენ, ტერორისტული თავდასხმების საფრთხის გამო, შაბათ-კვირას საქართველოში დაგეგმილი ვიზიტი გაეუქმებინათ. მათ მონაწილეობა უნდა მიეღოთ თბილისში „ისრაელის კვირეულის“ ფარგლებში დაგეგმილ ღონისძიებებში, მათ შორის საქართველო-ისრაელის ბიზნესფორუმში. მედიის ცნობით, ისრაელის მედიაში გავრცელებული ინფორმაცია რადიო თავისუფლებას საქართველო-ისრაელის ბიზნესპალატის ხელმძღვანელმა, “ისრაელის სახლის” დამფუძნებელმა იციკ მოშემ დაუდასტურა. “იციკ მოშეს თქმით, საფრთხის შესახებ ინფორმაცია ქართულ მხარესაც გადაეცა. ის დარწმუნებულია, რომ კონფერენციის უსაფრთხოება უზრუნველყოფილი იქნება”– წერს მედია.

• უწყება არ წერს, მოშეს როგორ უნდა გამოერკვია მიღებული ინფორმაცია.
• უწყება არ წერს, კონკრეტულად რა გზები, რა არხები გამოიყენა ინფორმაციის სინამდვილის დასადგენად, გარდა იმისა, რომ დილით გავრცელებულ განცხადებაში წერდა, რომ ისრაელის დაზვერვის წარმომადგენელს ესაუბრა და უცნობი წარმომადგენლის თანამდებობრივი რანგი.
• უწყება არ წერს, რა მიზეზი უთხრა ისრაელმა, რატომ გაუქმდა ვიზიტი ბოლო წამს, თუ არა, თავდასხმის საფრთხე.

მდინარაძის უწყების ცნობით, მოშეს კითხეს, “თუ რატომ უთხრა მედიის წარმომადგენლებს, რომ საფრთხის შესახებ გაფრთხილებულია ქართული მხარე, იციკ მოშემ ეს ფაქტი საერთოდ უარყო და მისი განმარტებით, ჟურნალისტებს უთხრა, რომ თუ საფრთხე რეალური იქნებოდა, ამის შესახებ აუცილებლად შეატყობინებდნენ ქართულ მხარეს.”