“ქმრის სიცოცხლე თუ ქვეყანის კეთილდღეობა?” – სასტიკი არჩევანი, რომლის წინაშეც პედაგოგი დააყენეს – უმძიმესი ისტორიის დეტალები

კიდევ ერთი პედაგოგხ სამსახურიდან პოლიტიკური ნიშნით გათავისუფლებით ემუქრებიან – გარდა შემოსავლის წყაროს დაკარგვისა, მანანა მაისურაძეს ოჯახისთვის ჯანდაცვის პოლისის ჩამორთმევით აშანტაჟებენ.
ქვეყანაში დამყარებული დიქტატურამ რუსული რეჟიმის მსახური არალეგიტიმურნა მთავრობამ ათეულობით პედაგოგი საჯარო სკოლებიდან გაათავისუფლა. მიზეზი, რა თქმა უნდა, ამჯერადაც საქართველოს დამოუკიდებლობისთვის ბრძოლა და ქვეყნის ევროპული ინტერესების დაცვაა.

დღეს „ალია“ მანანა მაისურაძის ისტორიას გიყვებით.
თეთრიწყაროს რაიონის პედაგოგს, მანანა მაისურაძეს, საზოგადოება კარგად იცნობს. ის ერთ-ერთი მათგანია, რომელსაც პირადი, ფინანსური თუ მერკანტილური მოსაზრებების გამო არასოდეს უღალატია დამოუკიდებელი საქართველოს ინტერესებისთვის და რისკების მიუხედავად, ყოველთვის თავისუფლებისთვის იბრძოდა, ამხელდა რაიონში კორუფციონერ ხელისუფლებას.

იგი 2003 წლიდან იბრძვის ევროპული საქართველოს აღმშენებლობისთვის და მოითხოვს პუტინის პირადი პატიმრის, საქართველოს მეხუთე პრეზიდენტის უკანონო პატიმრობიდან გათავისუფლებას.

მანანა მაისურაძე არაერთხელ გამხდარა თავდასხმის ობიექტი, ხან გავრილოვის სისხლიანი ღამის შემდეგ, ხან გაყალბებული არჩევნების გაპროტესტებისას და ხან ევროპარლამენტში მიღებული რეზოლუციების აღსრულების მოთხოვნისას. თუმცა, მისი დევნა რუსული კანონის მიღებისას კიდევ უფრო გამძაფრდა და კულმინაციას 2024 წლის საპარლამენტო არჩევნების ტოტალური გაყალბების შემდეგ მიაღწია. ის განსაკუთრებულად უყვართ თავის რაიონში, რადგან ვისაც ჩაგრავდა ხელისუფლება, ყველას მხარდაჭერას ხმამაღლა უცხადებდა.

ამჯერად, აქტივისტ პედაგოგს სამსახურეობრივი დევნა არ აკმარეს და მისი მეუღლის სამედიცინო დაზღვევის გაუქმებით დაემუქრნენ, არა და, ლევან პეტრიაშვილს ავთვისებიანი სიმსივნე აქვს და მისთვის სამედიცინო სერვისის ხელმიუწვდომლობა სიკვდილის განაჩენს ნიშნავს.

ამ თემაზე „ალია“ აქტივისტ პედაგოგს დაუკავშირდა.

ამბობს, რომ დაბნეულია და ვერასოდეს წარმოიდგენდა, რომ დააყენებდნენ არჩევანის წინ, უღალატოს ქართული სახელმწიფოებრიობის შენარჩუნების მთავარ პრინციპს, თუ გარისკოს უკურნებელი სენით დაავადებული ქმრის სიცოცხლე.

გვიყვება, რომ ქმარი ჰყავს გადასარჩენი, პარალელურად კი, არ იცის როგორ შეხედოს თვალებში მოსწავლეებს, რომლებსაც თავისუფალ საქართველოში ცხოვრებას დაპირდა.

„მოგეხსენებათ, არაერთხელ გავმხდარვარ რუსული რეჟიმის მხრიდან ზეწოლის მსხვერპლი, მაგრამ ლავირებას რაღაცნაირად ვახერხებდი. ბოლო წლებში, რაც გავრილოვის სისხლიანი ღამე მოგვიწყვეს, ადამიანებს მხედველობა დათვებისთვის განკუთვნილი ტყვიებით დააკარგვინეს, რაც რუსული კანონები შემოიღეს და საერთაშორისო ინსტიტუტებით მომუშავე არასამთავრობო ორგანიზაციებს მტრის სტატუსი მიანიჭეს, განსაკუთრებულად გამკაცრდა არალეგიტიმური ხელისუფლების ზომები. სიცოცხლის მოსპობის მუქარამდეც კი მივიდნენ, მემუქრებიან, რომ ჩემს ქმარს, ლევან პეტრიაშვილს, რომელსაც მეოთხე სტადიის ავთვისებიანი სიმსივნე აქვს, საყოველთაო ჯანდაცვის პოლისს შეუჩერებენ და მაყურებინებენ, როგორ დაიღუპება მკურნალობის გარეშე. არა და, არ ვიცი, როგორ უნდა დავიხიო უკან საქართველოს დამოუკიდებლობისთვის ბრძოლაში, როგორ უნდა ვეთანამშრომლო საოკუპაციო ძალებს და როგორ ვაღიარო ოკუპირებული ქართული მიწა რუსულად. მედიას ახსოვს, რომ მე ჩემს მოსწავლეებს თავისუფლებას და ევროპულ საქართველოში ცხოვრებას შევპირდი. ვიყავი ერთიანი ნაციონალური მოძრაობის წევრი დაფუძნების დღიდან და ვრჩები ამ პარტიისა და მიხეილ სააკაშვილის ერთგული, რადგან ისტორიაში პირველად მხოლოდ მან მოახერხა პოსტსაბჭოური ორბიტიდან დასავლურ რელსებზე ქვეყნის გადაყვანა. ახლა, რუსული მთავრობა მთავაზობს, რომ არჩევანი დამოუკიდებლობასა და წამალს შორის გავაკეთო, მაგრამ როგორ? ქმრის სიცოცხლით გავრისკო თუ ჩემი წილი სამშობლო რუსეთს ჩავაბარო?! ასეთ გამოუვალ ვითარებაში არასოდეს ვყოფილვარ…

აღარაფერს ვამბობ კონკრეტულად ჩემი მისამართით მუდმივ ზეწოლაზე, ვუძლებდი აქამდე, მაგრამ ახლა ვფიქრობ, რომ ამ ქვეყნად თუ აღარ ვიქნები უკეთესი იქნება, დავისვენებ, თუმცა, ლევანს რა ვუყო, მას ჩემს გარდა მზრუნველი რომ არავინ ჰყავს და მძიმე დაავადების გამო ყოველწუთიერად ვჭირდები. იმედი მაქვს, რომ ევროკავშირიცა და აშშ-ც უმკაცრეს სანქციებს აამოქმედებენ და საზოგადოებას დაეხმარებიან რუსული მარწუხებისგან გათავისუფლებაში, სხვაგვარად ეს ქვეყანა მართლაც რუსებს დარჩებათ და შევწყვეტთ არსებობას თორემ მე ჩემს დაკარგულ სამსახურს არ ვჩივი,“ – ამბობს მანანა მაისურაძე.

ცნობისთვის, სანამ მანანა მაისურაძის მსგავსი პედაგოგები ჩვენს შვილებს სკოლაში ასწავლიან, მათ აღზრდაში წვლილი შეაქვთ, საქართველო მუდამ იბრძოლებს დამოუკიდებლობისთვის და ჩვენს თავისუფლებას არასოდეს არავინ არაფრის ფასად არ დათმობს. თუმცა, რა ბედი ელის ღირსეულ პედაგოგს და მის მეუღლეს ძნელი სათქმელია, რადგან ასობით საჯარო მოხელე სამსახურიდან უკვე გათავისუფლდა