თბილისში მყოფმა ფერეიდნელმა ქართველმა “TV პირველთან” ინტერვიუში, თქვა:
ყველამ ვიცით რა ხდება ირანში, 12 00 ადამიანი როგორ დახვრიტეს. მე გუშინ დავრეკე ჩემ ბიძაშვილთან და თქვა, რომ 30 [ფერეიდნელი] ქართველი დაიღუპაო, სამი ჩემი მეგობარია, ჩემი სამი მეგობარი დაიღუპა. ერთის ბიძა აქ არის, თბილისში ცხოვრობს და მე ჯერ არ მითქვამს, რომ შენი დის შვილი დაიღუპა, რა ვუთხრა მე. ჩვენ ყველას გვინდა, რომ ირანი გათავისუფლდეს.
მე პირდაპირ ვერ ვრეკავ ირანში, ერთი ჩემი მეგობარი არის საზღვარზე, იქ ვრეკავ და მესამე ტელეფონით რეკავს. გუშინ სამ ადგილზე დავრეკე, სადაც მე ვცხოვრობდი და ყველამ თქვა, ხო ბევრი ქართველი დაიღუპაო. ვეღარ დავრეკე, 24 საათია არ მისაუბრია ირანთან, ქართველებთან… ამაზე მეტი ინფორმაცია არ მაქვს მე.
ეს თხოვნა მაქვს, რომ ყველას გააგებინოთ, ინტერნეტი ხომ არ არის, გათიშულია… 10-იც ბევრია, 12 000 [დაღუპული] რა ამბავია, ომში არ კვდება ამდენი. არაბული ქვეყნები, არცერთი ხალხის მხარეს არ იჭერს… საქართველოში კიდევ კარგი, ბევრი ქართველი არის მოსული, მადლობელი ვარ [აქციაზე] 40% ქართველია, იმედია გათავისუფლდება ირანი,” – ამბობს თბილისში მიმდინარე აქციაზე მყოფი ფერეიდნელი ქართველი.
კომენტარები