ქართული ოცნების გუნდის ლიდერი, ირაკლი კობახიძე ამტკიცებს, რომ ბაჩიაშვილი ციხიდან გაუშვეს იმის გამო, რომ მან აღიარა დანაშაული, ითანამშრომლა გამოძიებასთან და აანაზღაურა ზიანი. არაერთი პირი ზის ციხეში ქურდობის, ყაჩაღობის, თაღლითობის, გაფლანგვის ბრალით – ნიშნავს ეს იმას, რომ ნებისმიერი, ვინც აღიარებს და აანაზღაურებს ზიანს, – ციხიდან გათავისუფლდება? მით უფრო, როცა კობახიძე არ აზუსტებს რა სახის ზიანის ანაზღაურებაზეა საუბარი და თუ დავუშვებთ, რომ მხოლოდ ფინანსურსი ზიანის ანაზღაურება არ იგულისხმება, შესაძლოა, პრეცედენტი კიდევ მეტ მუხლს გადაწვდეს.
“გიორგი ბაჩიაშვილმა აღიარა მის მიერ ჩადენილი დანაშაული, ითანამშრომლა გამოძიებასთან, აანაზღაურა ზიანი, დანარჩენი იყო, ბუნებრივია, სამართალდამცავი ორგანოების საქმე. შესაბამისად, დადასტურდა, რომ ამ სპეკულაციებს არ ჰქონდა არავითარი საფუძველი და კიდევ ერთხელ ამითაც აჩვენა საკუთარი სახე რადიკალურმა ოპოზიციამ ჩვენს ქვეყანაში.“
უცნობია, რომელ სამართალდამცავ ორგანოს გულისხმობს კობახიძე და რომელს ხელეწიფება, უკვე გასამართლებული პირის გათავისუფლება ციხიდან.
კომენტარები