“ყოველი ეტაპირების დროს, ხდება ჩემი სრულიად გაშიშვლება” – არჩილ მუსელიანცი სასამართლოზე

სკანდალური ჩვენება საქალაქო სასამართლოში –  რეჟიმის ტყვემ, არჩილ მუსელიანცმა სხდომათა დარბაზში განაცხადა, რომ ყოველი ეტაპირების დროს მას აშიშვლებენ.

კამერების დაზიანების ბრალდებით დაკავებულმა დღეს მოსამართლე გიორგი არევაძეს უთხრა, რომ მისი უფლებები ირღვევა.

მე არ მეძლევა სრულფასოვანი თავდაცვის უფლება… ყოველი ეტაპირების დროს სასამართლოში და სასამართლოდან, ხდება ჩემი სრულიად გაშიშვლება”, – თქვა მუსელიანცმა.

რეჟიმის პატიმრის საქმე არსებით განხილვაზე გადავიდა.

შეგახსენებთ, არჩილ მუსელიანცი 2024 წლის 30 ნოემბერს დააკავეს. თავდაპირველად ის ადმინისტრაციული მუხლით იყო დაკავებული, თუმცა შემდეგში, აღნიშნული მუხლი სისხლის სამართლით ჩადენილი დანაშაულით, 187-ე მუხლის მეორე ნაწილით გადაუკვალიფიცირდა, რაც გულისხმობს სხვისი ნივთის განზრახ დაზიანებას და განადგურებას.

ბრალის დამტკიცების შემთხვევაში არჩილ მუსელიანცს 3-დან 6 წლამდე თავისუფლების აღკვეთა ემუქრება.