გარდაბანში ქმარმა ცოლი მოკლა. მკვლელობამდე ცოტა ხნით ადრე, ისინი ავეჯის ერთ–ერთ მაღაზიაში დაინახეს და გავრცელდა ინფორმაცია, რომ კარადის ყიდვაზე ვერ შეთანხმდნენ, რის შემდეგაც, მამაკაცმა დანით მრავლობითი ჭრილობა მიაყენა და ქალი ადგილზე გარდაიცვალა.
როგორც “ალიას” წყარო უყვება, წყვილი გაშორებული იყო, ყოფილი ქმარი 30 წლამდე ქალს ეჭვიანობის ნიადაგზე ხშირად ავიწროვებდა, რის გამოც კაცს შემაკავებელი ორდენიც ჰქონდა გამოწერილი, თუმცა, სამწუხაროდ, პირველი შემთხვევაა არაა, რომ შემაკავებელი ორდენი მსხვერპლს ვერ იცავს და კონტროლის მექანიზმი ზოგ შემთხვევაში სუსტია, ზოგ შემთხვევაში – არ არსებობს.
გამოძიება 11 პრიმა 109-ე მუხლის კ ქვეპუნქტით მიმდინარეობს, რაც დამამძიმებელ გარემოებებში ოჯახის წევრის განზრახ მკვლელობას გულისხმობს. ბრალდებული პოლიციაში თავად გამოცხადდა და აღიარებითი ჩვენება მისცა.
კომენტარები