დეპუტატი, რომან გოცირიძე:
“ყაზახეთმა უკრაინას გადასცა 41 დიდი სიმძლავრის გენერატორი საავადმყოფოებისათვის.
ვინ არის ყაზახეთი? იგი რუსეთის მიერ შექმნილი სამხედრო ალიანსის, ე.წ. ОДКБ-ს წევრი ქვეყანაა, ანუ მოწინააღმდეგე მხარეს ეხმარება რუსეთთან ომში.
როგორ იქცევა საქართველოს ხელისუფლება? მას შემდეგ, რაც საქართველოში უკრაინის საელჩომ ამხილა მთავრობა იმაში, რომ გენერატორებით დახმარების დაპირების მიუხედავად, მაინც არაფერი გაუკეთებიათ, რასაც საზოგადოების აღშფოთება მოჰყვა, გადაწყვიტა 500 ათასი დოლარის ღირებულების გენერატორის თუ გენერატორების შეძენა. ამ რაოდენობის ხელფასს ნებისმიერი მარეგულირებელი სამსახურის უსაქმური სამეთვალყურეო საბჭოს წევრები იღებენ ყოველწლიურად. სხვა რაიმე დახმარება გვახსენდება? ერთხელ მილიონი ლარის ნუ 300 ათასი დოლარის ღირებულების ჰუმანიტარული ტვირთი გაუგზავნეს მთავრობის სახელით და ამით მორჩა ყველაფერი.
ივანიშვილმა რომ მილიონი დოლარი გადარიცხა ბრაზილიის ტყეების აღსადგენად, რამდენი გადარიცხა უკრაინაში დამწვარი სახლების აღსადგენად? ნული!
საკითხი არის ძალიან მარტივად: ნებისმიერი სახის სოლიდარობის გამოხატვა უკრაინის მიმართ, რუსეთის მიერ აღქმული იქნება ივანიშვილის მხრიდან მიცემული პირობის დარღვევად.
თუ ვის მხარეზეა და რატომ საქართველოს ხელისუფლება, ეს ამ მარტივი მაგალითის მოყვანითაც კმარა.”
კომენტარები