ყავის ღირებულება რეკორდულად იზრდება და 10-წლიან მაქსიმუმს აღწევს. შესაბამის მონაცემებს ანალიტიკური კომპანია Intercontinental Exchange (ICE) აქვეყნებს.
აღნიშნული მონაცემებით, დეკემბერში ყავის მიტანის ფიუჩერსების ღირებულება ფუნტზე (0,45 კგ) 2,34 აშშ დოლარს შეადგენდა. დღეისათვის კი მისი ღირებულება 2,46 აშშ დოლარს აღწევს. რაც ყველაზე მაღალი მაჩვენებელია ბოლო 10 წლის განმავლობაში.
Danish Saxo Bank-ის სპეციალისტების აზრით, ყავის გაძვირების მიზეზი, ძირითადად, ბრაზილიის პლანტაციების უპრეცედენტო ყინვებია. გარდა ამისა, ფასების ზრდა გამოიწვია კორონავირუსის პანდემიით გამოწვეულმა ლოჯისტიკურმა სირთულეებმა.
კომენტარები