“ქართველი ანტივაქსერების საყურადღებოდ – რას გვიშვებიან!” – ზაზა წერეთელი

ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი:

“ქართველი ანტივაქსერების დიდი არმიის საყურადღებოდ – მალარიის ვაქცინაც შეიქმნა. რას გვიშვებიან!!!

აფრიკის სხვადასხვა რეგიონის თორმეტი ქვეყანა უახლოესი ორი წლის განმავლობაში მიიღებს მალარიის პირველი ვაქცინის 18 მილიონ დოზას. ეს არის ისტორიული მომენტი ამ კონტინენტზე ბავშვებში სიკვდილის ერთ-ერთი წამყვანი მიზეზის წინააღმდეგ ბრძოლაში

2019 წლიდან განა, კენია და მალავი ახორციელებენ მალარიის პილოტურ ვაქცინაციას მალარიის ვაქცინის განხორციელების პროგრამის (MVIP) მეშვეობით, რომელიც კოორდინირებულია ჯანმო-ს მიერ და აფინანსებს Gavi, ვაქცინის ალიანსი, შიდსის, ტუბერკულოზისა და მალარიის წინააღმდეგ ბრძოლის გლობალური ფონდი და Unitaid.

2019 წლიდან მალარიის საწინააღმდეგო RTS,S/AS01 ვაქცინით 1,7 მილიონზე მეტ ბავშვი აიცრა განაში, კენიასა და მალავიში. ეს ვაქცინა აღმოჩნდა უსაფრთხო და ეფექტური, რამაც გამოიწვია მძიმე მალარიის არსებითი შემცირება და ბავშვთა სიკვდილიანობის შემცირება. შედეგად აფრიკის სულ მცირე 28 ქვეყანამ გამოთქვა ინტერესი მალარიის ვაქცინის მიღებაზე.

განას, კენიასა და მალავის გარდა, საწყისი 18 მილიონი დოზის გამოყოფა საშუალებას მისცემს კიდევ ცხრა ქვეყანას, მათ შორის ბენინს, ბურკინა ფასოს, ბურუნდის, კამერუნს, კონგოს დემოკრატიულ რესპუბლიკას, ლიბერიას, ნიგერს, სიერა ლეონეს და უგანდას, დანერგონ ვაქცინა მათ რუტინულ იმუნიზაციის პროგრამებში.”