„ქართული ოცნების“ მერობის კანდიდატი ხაშურის მუნიციპალიტეტში თენგიზ ჩიტიაშვილი, წინასაარჩევნო შეხვედრის ფარგლებში ალის, ბრილისა და ნაბახტევის მოსახლეობას შეხვდა. სოფლის პრობლემების განხილვამდე საუბარი ქვეყანაში არსებულ ეპიდემიოლოგიურ მდგომარეობას შეეხო. კანდიდატმა მოქალაქეებს ვაქცინაციისკენ მოუწოდა.
სოფელ ალში სოფლამდე მისასვლელი გზა მოასფალტებულია. მიმდინარე წელს სოფლის მხარდაჭერის პროგრამის ფარგლებში იგეგმება სანიაღვრე არხის მოწყობა. სანიაღვრე არხი მოეწყობა სოფელ ბრილშიც. სოფელ ნაბახტევში მიმდინარეობს გზის რეაბილიტაციის პროექტი, რომლის ღირებულებაც 1840009 ლარს შეადგენს.
“ძალიან კარგი შეხვედრები გვქონდა. ადგილობრივებთან ერთად ვისაუბრეთ სოფლის პრობლემებზე, დავგეგმეთ პრიორიტეტები. ვერ ვიამაყებ იმით, რომ რომელიმე სოფელში გზაა გაკეთებული ან წყალი, რადგან გზა, წყალი, გარე განათება – ეს ის არასრული ჩამონათვალია რაც ყველა სოფელს უნდა ჰქონდეს,“ – აღნიშნა მერობის კანდიდატმა.
კომენტარები