,,ქართული ოცნება სწორად ამბობს, რომ რომ მეგობარი აქტი მათ მიმართ ამერიკის მხრიდან მტრული ნაბიჯია“ – სერგი კაპანაძე

დიპლომატი სერგი კაპანაძე სოციალურ ქსელში წერს:

,,ქართული ოცნება მიხვდა და სწორად ამბობს, რომ მეგობარი აქტი მათ მიმართ ამერიკის მხრიდან მტრული ნაბიჯია.

ქართული ოცნების და ოლიგარქის მიმართ არის ოღონდ მტრული ნაბიჯი.

საქართველოს და ქართველი ხალხის მიმართ კი მეგობრული ნაბიჯი.

ამერიკის კონგრესი (და არა დიფსთეითი და მსგავსი ბოდვები, რომელსაც ქოცების გამობრძმედილი და ახალგამოჩეკილი პროპაგანდისტები იმეორებენ), სენატი და მალე პრეზიდენტი ტრამპიც საკანონმდებლო დონეზე განსაზღვრავს, რომ
– ქართული ოცნება არის ამერიკის მტერი, ყველა აქედან გამომდინარე შედეგით.
– ქართველი ხალხი არის ამერიკის მეგობარი, ყველა აქედან გამომდინარე შესაძლებლობით.

ესაა რეალობა.
პროპაგანდამ მცდარად აიტაცა, რომ მეგობრული კი არა მტრული აქტიაო.
კი, მტრული აქტია – ოცნების მიმართ.
და მეგობრული ქართველი ხალხის მიმართ….

რას სთავაზობს მეგობარი აქტი საქართველოს?

ამერიკელებს, მეგობარი აქტის მიხედვით, შეგვიძლია ვესაუბროთ და, მოვთხოვოთ კიდეც:
– უკეთესი სავაჭრო რეჟიმი, რაც ნიშნავს უამრავ ახალ ბიზნეს შესაძლებლობას, ინვესტიციას და ახალ ფულს
– სავიზო რეჟიმის ლიბერალიზაცია (მხოლოდ მკაცრად გაცემული ათწლიანი ვიზები კი არა, უფრო ლიბერალური, უვიზო რეჟიმის კი)
– აკადემიური პროგრამები, მეტი, შეიძლება ასობით და ათასობით ქართველი სტუდენტის სწავლება ამერიკის უნივერსიტეტებში
– სხვა ადამიანური, პროფესიული და ა.შ. კავშირების გაღრმავება
– თავდაცვის სფეროში თანამშრომლობის გაღრმავება, მათ შორის, თავდაცვითი იარაღის შესყიდვით მიზნით. ასევე, უსაფრთხოების სფეროში ბევრი რამე – მაგალითად დეოკუპაციის მხრივ დახმარება, მაგალითად ფინანსური, დიპლომატიური და ა.შ.

სანაცვლოდ, ამერიკა გვეუბნება. ელემენტარული სტანდარტის მქონე დემოკრატია იყავითო.

ნორმალური ხელისუფლება, ამ ჩამოთვლილი მიზნებისთვის გამოიყენებდა სტრატეგიული თანამშრომლობის ქარტიას და ოთხ სამუშაო ჯგუფს, რომელიც ყოველ წელიწადს უნდა იკრიბებოდეს. მაგრამ, ეს სტრატეგიული ქარტიაც, პარტნიორობაც და სამუშაო ჯგუფებიც, ასევე ქართველი ხალხის ინტერესი, ქართულმა ოცნებამ უბრალოდ წყალს გაატანა.“