ქართულ ოცნებას ის კი არ აწუხებს, რომ აზარტულ თამაშებს არასრულწლოვნები თამაშობენ , არამედ აწუხებს ის, რომ სარეკლამო თანხები ოპოზიციურ მედიაში შედის – გიორგი ვაშაძე

15 დეკემბერს პარლამენტმა კანონპროექტს, რომლითაც აზარტული თამაშების წარმომადგენლებს ახალი რეგულაციები უწესდებათ, პირველი მოსმენით მხარი დაუჭირა. კანონპროექტი ითვალისწინებს როგორც ონლაინ, ასევე ფიზიკურ სივრცეში სათამაშო ბიზნესის რეკლამირების აკრძალვას, ასევე, აზარტულ და მომგებიან თამაშებში მონაწილეობისთვის ასაკობრივი ზღვრის 25 წლამდე გაზრდას.

სამწუხაროდ, ქართულ ოცნებას ის კი არ აწუხებს, რომ არასრულწლოვნები თამაშობენ აზარტულ თამაშებს, ან რაიმე კონკრეტული პრობლემა, არამედ აწუხებს ის, რომ ვთქვათ, რატომ შედის სარეკლამო თანხები ოპოზიციურ მედიაში – ამის შესახებ სტრატეგია აღმაშენებლის ლიდერმა, გიორგი ვაშაძემ განაცხადა.

“ნამდვილად ვფიქრობ, რომ აზარტული თამაშები მძიმე პრობლემაა ქვეყნისთვის, განსაკუთრებით არასრულწლოვნების თვალსაზრისით, მონაწილეობის თვალსაზრისით და უნდა არსებობდეს კონკრეტული მექანიზმები, როგორ ხდება კანონის აღსრულება, მაგრამ მეორე და ძალიან მნიშვნელოვანი არის ის, რომ სამწუხაროდ, ქართულ ოცნებას ის კი არ აწუხებს, რომ არასრულწლოვნები თამაშობენ აზარტულ თამაშებს, ან რაიმე კონკრეტული პრობლემა, არამედ აწუხებს ის, რომ ვთქვათ, რატომ შედის სარეკლამო თანხები ოპოზიციურ მედიაში, მაგალითად, რომ შეზღუდოს ეს მექანიზმები, რომ მეტად აკონტროლოს ან მეტი პრობლემა შეუქმნას ოპოზიციურ მედიას.

გულწრფელობა ქართული ოცნების მხრიდან ამ საკითხში და ეს არის სიმართლე. კიდევ ერთხელ ვამბობ, რომ ყველაფერი ეს დაიწყო არა იმიტომ, რომ აზარტული თამაშები, როგორც სისტემური პრობლემაა ქვეყანაში, არამედ იმიტომ, რომ ეს, როგორც სადამსჯელო მექანიზმი იყოს ოპოზიციურ მედიასთან”, — განაცხადა ვაშაძემ.