ჯანდაცვის მსოფლიო ორგანიზაციამ შვილოსნობის ასაკის ქალებისათვის ალკოჰოლის აკრძალვის რეკომენდაცია გასცა. დოკუმენტის თანახმად, ქვეყნებმა ალკოჰოლური სასმელების ჯანმრთელობისთვის ზიანის მიყენების შესახებ ცნობადობა უნდა აამაღლონ და განსაკუთრებული ყურადღება ბავშვების, ფეხმძიმეებისა და შვილოსნობის ასაკის ქალების დაცვას უნდა დაუთმონ.
ჯანმოს განმარტებით, ეს დაკავშირებულია იმასთან, რომ ფეხმძიმობამდე და მის დროს სპირტიანი სასმელების მიღებამ, შესაძლოა, ნაყოფის სხვადასხვა პათოლოგია, დაავადებები და დარღვევები გამოიწვიოს, შეიქმნას პრობლემები სოციალურ ქცევასა და სწავლის უნართან დაკავშირებით. ამასთან, ალკოჰოლი ნეგატიურად მოქმედებს დედის ფიზიკურ და ფსიქოლოგიურ მდგომარეობაზე.
აღნიშნულმა განცხადებამ მსოფლიოში მძაფრი კრიტიკა გამოიწვია. ორგანიზაცია სექსიზმში დაადანაშაულეს, ხოლო დოკუმენტს არასამართლიანი და არარეალისტური უწოდეს.
დიდი ბრიტანეთის ალკოჰოლის მარეგულირებელმა ჯფუფმა Portman Group-მა ჯანმო-ს მოუწოდა საკუთარ კომპეტენციას არ გადააჭარბოს.
“დოკუმენტი სექსისტური და პატერნალისტურია, ის პოტენციურად ქალთა უმრავლესობის თავისუფლებას ზღუდავს. და კომპეტენციის ფარგლებს სცილდება და არ აქვს მეცნიერულად დასაბუთებული საფუძვლები.
არასწორად მიგვაჩნია ასევე ამ სახით ადამიანების დაშინება და ალკოჰოლთან დაკავშირებული რისკების ქალების ფეხმძიმობისა და ბავშვების რისკებთან მიბმა”, აცხადებენ ორგანიზაციაში.
წყარო – ნიუპოსტი
კომენტარები