რუსეთი უკრაინის ქალაქების დაბომბვას აგრძელებს. უკრაინელები ერთიანი ძალებით ებრძვიან ოკუპანტებს. ქალაქი ზაპოროჟიეში, სადაც ატომური ელექტროსადგური მდებარეობს, რუსებს მოსახლეობა გადაუდგა.
სულ ცოტა ხნის წინ გავრცელდა კადრები, სადაც ჩანს, რომ ელექტროსადგურის თანამშრომლები რუსეთის ჯარს დაუდგნენ და საკუთარი ძალებით ცდილობს ოკუპანტებს გაუმკლავდნენ. ისმის უკრაინის ეროვნული ჰიმნიც.
მოქალაქეებმა გადაკეტეს ქალაქისკენ მიმავალი გზა, საიდანაც რუსული საოკუპაციო ძალები უნდა შესულიყვნენ.
“სამხედროები უკვე აქ არიან, ზაპოროჟიეს ატომური ელექტროსადგურის ათასობით თანამშრომელი დამპყრობელის გადაადგილების დასაბლოკად ემზადება,“ – ამბობს ერთ-ერთი ადგილობრივი.
პარალელურად უკრაინული და რუსული დელეგაციები მოლაპარაკებებისთვის ემზადებიან, როდის დაიწყება მოლაპარაკებები, ჯერჯერობით, უცნობია.
თუმცა, ცოტა ხნის წინ გავრცელდა ინფორმაცია, რომ კრემლის პრეს სპიკერის განცხადებით, შესაძლოა სამშვიდობო მოლაპარაკებები ორშაბათს გაიმართოს, მას შემდეგ რაც რუსეთის დელეგაცია ბელარუსი-უკრაინის საზღვართან ჩავა.
უკრაინელი სამხედროები რუსული არმიის დანაკარგების შესახებ საუბრობენ. ბოლო ინფორმაციით, დაღუპულია 5840 რუსი სამხედრო, განადგურებულია 30 თვითმფრინავი და 31 ვერტმფრენი. ასევე, 211 ტანკი, 862 ჯავშანმანქანა, 85 საარტილერიო სისტემა.
წყარო – რუსთავი2
კომენტარები