“პუტინიც იძახდა, მე მიყვარს ქართველი ხალხიო და მიშა არ მოსწონდა, ჩავიხუტოთ ამიტომ ?” – დათო ხვადაგიანი

სპორტული ჟურნალისტი, დათო ხვადაგიანი:

“ეს სულელური “გაპრავებები”, რომ თურმე უკრაინელ მმართველებს ქართველი ხალხი უყვართ, მაგრამ ჩვენი ქვეყნის ხელისუფლება არა, დაცინვა რომაა, დავიჯერო ვერ ხვდებიან ზოგ-ზოგიერთები ? ხელისუფლება ვარგა, თუ არა, ეს საქართველოს მოსახლეობამ უნდა გადაწყვიტოს და არა გარეშე ქვეყნების წარმომადგენელმა პოლიტიკოსებმა. ელემენტარული ანა-ბანაა საგარეო პოლიტიკის და დიპლომატიის, რომ უარყოფითი განცხადებების კეთება სხვა ქვეყნის ხელისუფლებებისადმი, რბილად რომ ვთქვათ სახელმწიფოებს შორის ურთიერთობების გაფუჭებას და დაძაბვას იწვევს. ეგრე პუტინიც იძახდა მე მიყვარს ქართველი ხალხიო და მიშა არ მოსწონდა. ჰოდა, რა ვქნათ, ჩავიხუტოთ ამიტომ ?”