“პუტინის “უკაზი” ხომ არ გესიამოვნებოდათ, რუსეთუმეებო?” – ნაზიბროლა რეხვიაშვილი

მოკლედ აგიხსნით:

2. უცხო ქვეყნის მოქალაქეებს და მოქალაქეობის არმქონე პირებს, რომლებიც არიან ქმედუნარიანი მამაკაცები 18-დან 65 წლამდე, უფლება აქვთ მიმართონ რუსეთის ფედერაციას მოქალაქეობის მიღების განცხადებით, რუსეთის ფედერაციის 2023 წლის 28 აპრილის №138-ФЗ „რუსეთის ფედერაციის მოქალაქეობის შესახებ“ ფედერალური კანონის 15-ე მუხლის 1-ლი ნაწილის, 16-ე მუხლის მე-2 ნაწილის 3-5 პუნქტების ან 7-ე ნაწილის შესაბამისად, იმ პირობით, რომ მოქალაქეობის მიღების განაცხადთან და კანონმდებლობით გათვალისწინებულ სხვა დოკუმენტებთან ერთად წარადგენენ ერთ-ერთ შემდეგ დოკუმენტს:

ა) ამონაწერი რუსეთის ფედერაციის შეიარაღებული ძალებიდან ან რუსეთის საგანგებო სიტუაციების სამინისტროს სამხედრო-სამაშველო ფორმირებებიდან სამხედრო სამსახურიდან გათავისუფლების ბრძანებიდან, თუ გათავისუფლება მოხდა 2022 წლის 24 თებერვლამდე, „სამხედრო ვალდებულებისა და სამხედრო სამსახურის შესახებ“ 1998 წლის 28 მარტის №53-ФЗ ფედერალური კანონის 51-ე მუხლის 1-ლი პუნქტის „ა“, „ბ“, „ვ“ და „გ“ ქვეპუნქტებით გათვალისწინებული საფუძვლებით;

ბ) საკონტრაქტო სამხედრო სამსახურში მიღების პუნქტისა და სამხედრო კომისარიატის ერთობლივი კომისიის გადაწყვეტილება, ან სამხედრო ნაწილის ატესტაციის კომისიის სხდომის ოქმიდან ამონაწერი, თუ უცხო ქვეყნის მოქალაქე ან მოქალაქეობის არმქონე პირი საკონტრაქტო სამხედრო სამსახურში მიღებისას სამხედრო სამსახურისთვის უვარგისად იქნა ცნობილი.

3. ამ დებულების მე-2 პუნქტით გათვალისწინებული მოთხოვნები არ ვრცელდება ბელარუსის რესპუბლიკის მოქალაქეებზე.

ანუ ამჯერად მხოლოდ იმათ ეხება, ვინც უშუალოდ რუსეთის ტერიტორიაზე იმყოფება და მაგათაც რომ დედა მოეხვნებათ რუსეთის მიერ დაწყებულ დამპყრობლურ ომებში, მერე ომით თუ უომრად დაპყრობილი ტერიტორიების მოსახლეობას გაირეკავს სასაკლაოებზე.

და რატომ დაიჯერეთ, რომ მშვიდობას რუსეთთან ჩოქბჯენში დგომა მოგიტანთ?

ან ვის დაუჯერეთ, მაგ დასანქცირებულ პროპაგანდისტებს?

და გეკითხათ, რატომ იბადებიან მათი შვილები დასავლეთში, ან რატომ არ ირჩევენ რუსეთს მათი განათლებისა და უზრუნველ-უსაფრთხო ცხოვრებისთვის?