პუტინის ტახტისთვის ბრძოლა გამძაფრდა, რუსული ელიტა აცნობიერებს, რომ დასასრული ახლოვდება – ბუდანოვი

უკრაინის დაზვერვის მთავარი სამმართველოს ხელმძღვანელმა კირილ ბუდანოვმა განაცხადა:  – რუსეთის ელიტას, განსაკუთრებით პოლიტიკურს, არ უხაროდა უკრაინის ტერიტორიების ანექსია. მათ კიდევ უფრო გააცნობიერეს, რომ დასასრული ახლოვდება. რუსეთის დიქტატორის ვლადიმერ პუტინის ტახტისთვის ბრძოლა გამძაფრდა.

„ეს მათთვის კატასტროფაა, მათ ეს ძალიან კარგად იციან. კიდევ უფრო გაიგეს, რომ ეს არის დასასრული. ეს არის დასასრული და ჩვენ უნდა მოვძებნოთ გამოსავალი. უმაღლესმა სამხედრო და პოლიტიკურმა ხელმძღვანელობამ დაიწყო მასიური დარტყმები – ეს არის ტერორისტული აქტი – მოლაპარაკებების იძულების მიზნით“, – აღნიშნა ბუდანოვმა.

უკრაინის სახელმწიფო ადმინისტრაციის ხელმძღვანელმა აღნიშნა, რომ უკრაინის რეგიონების ანექსიის შემდეგ პუტინის ცხოვრების წესი არ შეცვლილა.

კითხვაზე, განაგრძობს თუ არა პუტინი ბუნკერში ცხოვრებას, ბუდანოვმა უპასუხა: „ის საერთოდ არ შეცვლილა, პუტინი აგრძელებს არსებობას“.

ბუდანოვს ტრადიციულად ჰკითხეს, ცოცხალია თუ არა პუტინი? რაზედაც კირილ ბუდანოვმა უპასუხა:

„თუ ყველაფერი წინასწარ გეცოდინებათ, არ იქნება საინტერესო ცხოვრება .”