ანალიტიკოსი, ზურაბ ბატიაშვილი, “ტვ ფორმულასთან” ამბობს:
“პუტინმა 2 დიდი შეცდომა დაუშვა უკვე – ერთი ომის დაწყება და ახლა მობილიზაციის გამოცხადება, რომელსაც კაცმა არ იცის, რა გაგრძელება ექნება საკუთრივ რუსეთში და ვიცით, რუსეთს როგორი გამოცდილება აქვს ამ მხრივ, რევოლუციური და ა.შ.
მეორეს მხრივ, საფრთხის შემცველია, ე.წ. მიერთება – რატომ? – იმიტომ რომ თუ შენი არგუმენტია დაიცვა რუსეთის ტერიტორია და არ დაიბომბოს, შენ გადაგაქვს იქით, სწევ საზღვარს და პირდაპირ, შენი გადასახედიდან, შენ ტერიტორიაზე გადმოგაქვს საბრძოლო მოქმედებები. ეს ზღვარი იშლება, თვითონ შლის ამ ზღვარს და ესკალაციას ახდენს შემდგომს. ეს გამოიწვევს უკრაინის და დასავლეთის მხრიდანაც იმ იარაღის რაოდენობის გაზრდას, რომელიც მიეწოდებოდა. 25 ჰაიმორსი თუ ქონდა, ახლა ექნება – 50, რადგან მობილიზაციის შედეგად, უკრაინის წინააღმდეგ, საზარბაზნე ხორცად გაგზავნილი ხალხი, რომელიც უკრაინის წინააღმდეგ იარაღს არ იღებს, განადგურდება უბრალოდ და მეტი არაფერი.
გამოცხადებული იყო, თითქოს ყირიმში ვერავინ ვერაფერს გააკეთებდა და ეს მითიც გაანადგურეს უკრაინელებმა, ისევე როგორც ბელგოროდში, ვიღაცეები ცუდ ადგილას “ეწევიან”… რა თქმა უნდა ამას უკრაინა თავის თავზე არ აიღებს და არც უნდა აიღოს, საერთაშორისო სამართლის თვალსაზრისით, მაგრამ ყველამ იცის, რომ “შემთხვევითობა” ხდება და ძალიან ბევრს “ეწევიან” და სხვაგანაც დაიწყებენ მოწევას და უფრო თანამედროვე შეიარაღებას მიიღებს უკრაინა.
ბირთვული საფრთხე მომატებულია, რა თქმა უნდა, ეს ბოლოს წინა მცდელობაა, მობილიზაციით, თითქოსდა სიტუაციის გადარჩენის ამბავში და ჩვენ დავინახავთ, რომ დაახლოებით 2–3 კვირაში მომზადების გარეშე გაუშვებენ იქ არსებული ნაწილების შესავსებად, რომელსაც უკვე ადამიანური რესურსი არ ჰყოფნის, შემდგომში შეიძლება უკვე ბირთვული საფრთხეც დადგეს. ეს რეალურია, იმიტომ რომ დავინახეთ 2 ძალიან დიდი შეცდომა – მესამეც შეიძლება ჩაიდინოს.
კომენტარები