უკრაინის დაზვერვის სამსახურის ინფორმაციით, რუსეთი ომის დაწყებიდან მესამე წლისთავამდე, ანუ 24 თებერვლამდე, უკრაინაზე “გამარჯვების” გამოცხადებას გეგმავს.
ირკვევა, რომ რუს პროპაგანდისტებს “გამარჯვების” შესახებ ნარატივის გავრცელება დაევალათ.
უფრო მეტიც, გავრცელებულ განცხადებაშია აღნიშნულია, რომ “გეგმები შესაძლოა მოიცავდეს ლაპარაკს “რუსეთის გამარჯვებაზე NATO-ზე”, რადგან დიდი ხნის განმავლობაში მოსკოვური პროპაგანდა უკრაინის წინააღმდეგ ომს ალიანსთან ომად აღწერდა”.
“აგრესორი სახელმწიფოს პროპაგანდისტული არმია და სპეცსამსახურები, კრემლის ბრძანებით, აძლიერებენ ძალისხმევას უკრაინის საზოგადოებაში სასოწარკვეთილების გასაღვივებლად, ჩვენს სახელმწიფოში სიტუაციის დესტაბილიზაციისთვის და უკრაინის დისკრედიტაციისთვის პარტნიორ ქვეყნებში, რომლებიც კრიტიკულ სამხედრო დახმარებას უწევენ თავდაცვის ძალებს ბრძოლაში.
მტრის საინფორმაციო თავდასხმების მთავარ ნარატივებს შორისაა: “დასავლეთმა უღალატა უკრაინას”, “ევროპელებისა და უკრაინელების აზრი არ ადარდებს არც მოსკოვს და არც ვაშინგტონს”, “აშშ და რუსეთი შეთანხმდნენ ყველაფერზე უკრაინის ზურგს უკან”, “უკრაინის მთავრობა არალეგიტიმურია”, “უკრაინის არმია დამარცხდება ამერიკულ ვალუტაზე”.
გარდა ამისა, რუსეთი ემზადება გამოაცხადოს “გამარჯვება” უკრაინის წინააღმდეგ ომში – სრულმასშტაბიანი ომის დაწყებიდან მესამე წლისთავამდე. უფრო მეტიც, აღნიშნული გეგმები შესაძლოა მოიცავდეს ლაპარაკს “რუსეთის გამარჯვებაზე NATO-ზე”, რადგან დიდი ხნის განმავლობაში მოსკოვური პროპაგანდა უკრაინის წინააღმდეგ ომს ალიანსთან ომად აღწერდა”, – წერია განცხადებაში.
კომენტარები