“პუტინი მარცხდება და სააკაშვილი ციხეში ყოფნას შეეგუოს? პატრიარქის წერილის ასე გაგება წარმოუდგენელია” – გიული ალასანია

საქართველოს მესამე პრეზიდენტის, მიხეილ სააკაშვილის დედამ, გიული ალასანიამ ცოტა ხნის წინ დატოვა ვივა მედის კლინიკა ფა განაცხაფა, რომ 9 იანვარს ჩანიშნულ სასამართლო პროცესზე მიხეილ სააკაშვილი, ჯანმრთელობის მდგომარეობის გამო, რა თქმა უნდა, ვერ წავა.

მან ისაუბრა ასევე სანდრა რულოვსისა და ნიკოლოზ სააკაშვილის ვიზიტზე საქართველოს კათოლოკოს-პატრიარქთან და ილია მეორის წერილზე, რომელიც გუშინ, 5 იანვარს გავრცელდა და კონკრეტულად კი, ფრაზაზე წერილიდან: ‘ „ჭეშმარიტი სხვა რეალობის შეცნობა“  და თქვა:

„შეხვედრა რამდენიმე დღის წინ შედგა. იქიდან ძალიან კმაყოფილი და მადლიერი წამოვიდნენ. არ ვიცი, პატრიარქმა რა უთხრა, მაგრამ მისთვის ახლა ძალიან დატვირთული დღეებია. პატრიარქის მდგომარეობა ახლა არ იძლევა იმის საშუალებას, რომ დიდი და ხანგრძლივი მიღება ჰქონდეს, მაგრამ მიუხედავად ამისა, დათანხმდა, მიიღო და ამით მადლიერი არიან.

პატრიარქის წერილზე არ გვისაუბრია, მაგრამ რას უნდა შეეგუოს, ციხეში ყოფნას? როგორ წარმოგიდგენიათ, უკრაინა იმარჯვებს, პუტინი მარცხდება და სააკაშვილი ციხეში ყოფნას შეეგუოს? მსგავსი აზრი რუსეთის აგენტების გარდა თავში არავის მოუვა. არა, რა თქმა უნდა, პატრიარქის წერილის ასე გაგება წარმოუდგენელია”