თითქმის ერთ წლიანი სრულმასშტაბიანი ომის შემდეგ, რომელიც მოსკოვის აზრით, “სულ რამდენიმე კვირა უნდა გაგრძელებულიყო”, რუსეთის პრეზიდენტი ვლადიმირ პუტინი უკრაინის წინააღმდეგი ახალი სამხედრო თავდასხმისთვის ემზადება.
როგორც გამოცემა კრემლთან დაახლოებულ პირებზე დაყრდნობით წერს, ახალი თავდასხმა თებერვლის ან მარტის თვეში უნდა დაიწყოს და მისი მთავარი მიზანი იქნება, კრემლმა მოახდინოს დემონსტრაცია, რომ რამდენიმეთვიანი უკან დახევის შემდეგ მათ სამხედრო ძალებს კვლავ აქვთ შესაძლებლობა ომში ინიციატივა გამოიჩინონ და თავდასხმის მიზანი იქნება ასევე, უკრაინა გარკვეული პირობებით ზავზე დაითანხმონ.
წყაროს თქმით, უამრავი წარუმატებლობის შემდეგ, კრემლში უფრო რეალისტურები გახდნენ და მიხვდნენ, რომ ამ სიტუაციაში არსებული ფრონტის ხაზის შენარჩუნებაც კი მიღწევა იყო.
თუმცა, კონკრეტულად პუტინს კვლავ სჯერა, რომ საბოლოოდ გაიმარჯვებს და მიუხედავად ამდენი მარცხისა, ფსონს დებს იმაზე, რომ რუსეთის მოქალაქეები მზად არიან, ამ ომში თავი უსიტყვოდ გაწირონ.
კომენტარები