“პროკურატურებისა და ადვოკატების ერთ არეალში განთავსება წაახალისებს თანამშრომლობას” – პრემიერი ადვოკატთა ასოციაციის შენობის გახსნაზე

პრემიერ-მინისტრმა ირაკლი ღარიბაშვილმა საქართველოს ადვოკატთა ასოციაციის ახალი ოფისის – „ადვოკატთა სახლის“ გახსნის ღონისძიებაში მიიღო მონაწილეობა.

“მივესალმები პარლამენტის თავმჯდომარეს, ბატონ დავით ასათიანს მივესალმები და ჩვენს მოწვეულ სტუმრებს, პარლამენტისა და მთავრობის წევრებს, ჩვენს პატივცემულ ადვოკატებს მივესალმები განსაკუთრებული პატივისცემით, მოსამართლეებს, პროკურორებს, ძვირფას მეგობრებს. ჩემთვის სასიხარულოა, მონაწილეობას ვიღებ დღევანდელ ღონისძიებაში. მე გილოცავთ გულითადად ადვოკატთა სახლის გახსნას” – განაცხადა პრემიერ-მინისტრმა.

მისივე თქმით, ადვოკატთა სახლის გახსნა ხელს შეუწყობს ადვოკატთა საქმიანობას.

„ადვოკატთა სახლის გახსნა არაერთი თვალსაზრისით არის მნიშვნელოვანი მოვლენა ჩვენს დღევანდელობაში. პირველ რიგში, ასოციაციის ინფრასტრუქტურული განვითარება, მჯერა, ხელს შეუწყობს თქვენი საქმიანობის მაღალ დონეზე, შეუფერხებლად განხორციელებას. გარდა ამისა, ესაა მნიშვნელოვანი ნაბიჯი, გადადგმული ე.წ. „მართლმსაჯულების უბნის“ კონცეფციის რეალობად ქცევისკენ. მოგეხსენებათ, თბილისის საქალაქო სასამართლოს, საქალაქო და რაიონული პროკურატურებისა და ადვოკატთა ასოციაციის ერთ არეალში განთავსება წაახალისებს იურიდიულ პროფესიებს შორის დიალოგსა და თანამშრომლობას”,  – განაცხადა პრემიერმა