საქართველოს პრეზიდენტმა სალომე ზურაბიშვილმა მოსმენების შესახებ კანონს ვეტო დაადო, ამის შესახებ იმ ბრიფინგზე განაცხადა, რომელიც სპეციალურად, პრემიერის დღევანდელ გამოსვლას მიუძღვნა:
“დღეს ვიყენებ ვეტოს კანონზე, რომელიც ეხება მოსმენებს, ამდენად ადამიანების უფლებების შეზღუდვას, ვიყენებ იმიტომ რომ ეს იყოს ნიშანი, რომ მე არ ვეთანხმები. ვიცი ეს დაძლეული იქნება, და არ შეცვლის შინაარსობრივად. ყოველ კანონზე, რომელიც ამ 6 თვეში იქნება მიღებული არასწორი მიმართულებით, მე დავადებ ვეტოს და ავხსნი რატომ ვდებ ვეტოს – ეს პოლიტიკური ვეტოა, ვიდრე სამართლებრივი, არ შეიძლება ამ დღეებში მიღებული იყოს ასეთი კანონი, რომელიც კიდევ ავიწროებს ადამიანის უფლებებს, როცა პირიქით გვთხოვენ, რომ მივცეთ მეტი გარანტიები, ვიყოთ უფრო დემოკრატიული, უფრო ევროპელი”
“ქართული ოცნების” ინიცირებული კანონპროექტი პარლამენტმა მესამე მოსმენით 7 ივნისს მიიღო. მისი მიხედვით, გახანგრძლივდა ფარული საგამოძიებო მოქმედებების ჩატარებასთან დაკავშირებული ვადები 9 თვემდე (სამ ეტაპად დაყოფით, გარდა საპროცესო კოდექსით გათვალისწინებული საგამონაკლისო შემთხვევებისა) და გაიზარდა ის დანაშაულები, რომლებზეც ფარული საგამოძიებო მოქმედებების ჩატარება იქნება დასაშვები.
კომენტარები