საქართველოს პრეზიდენტი საგანგებო ბრიფინგზე ღრმა მწუხარებას გამოხატავს და უსამძიმრებს დაღუპულთა ოჯახებს. მან განაცხადა, რომ ილოცებს იმ ოჯახებთან ერთად, რომლებიც ელოდებიან ოჯახის წევრების შესახებ ინფორმაციას.
დღეს სწორედ გაერთიანებაა ყველაზე მნიშვნელოვანი, რომ ყველა ჩვენი შესაძლებლობებით დავეხმაროთ ადამიანებს.
მინდა მადლობა მოვუხადო ყველა იმ მაშველს, მოქალაქეს, რომელიც ადგილზე ყველაფერს აკეთებს.
მინდა ვთქვა, რომ ჩემი ადმინისტრაცია და მე პირადად ვუცხადებთ სოლიდარობას ადგილობრივ ხელისუფლებას, ყველა უწყებას, მთავრობას, რომელიც იქ არის ჩართული, დღეს არის დრო გაერთიანების, ყველაფერში ჩავერთვები, სადაც აქტიურობა საჭირო იქნება. ვნახავთ, რა კუთხით შეიძლება ჩვენი წვლილი შევიტანოთ ტრაგედიის გადატანაში.
მაშველების როლი არ დასრულებულა, რთულია ამ პირობებში მუშაობა და მადლობა მათ.
მადლობა ყველა ჩვენ პარტნიორ ქვეყანას, რომელმაც უკვე გამოაცხადა სოლიდარობა, ეს არის ასევე მნიშვნელოვანი.
მოვისმინე პრემიერისგან, რომ ჯერ არ არის საჭიროება სხვა ქვეყნების დახმარების, თუ საჭიროება გამოჩნდა, მზად ვარ ამაშიც მონაწილეობა მივიღო.
ამ დიდი ტრაგედიის წინაშე ვართ ერთად და ვიქნებით ერთად.
კომენტარები