„ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა, მამუკა მდინარაძემ. ჟურნალისტის კითხვას, რომ მიხეილ ყაველაშვილმა უნდა წარმოადგინოს ქვეყანა საგარეო ურთიერთობებში და იქნება თუ არა რომელიმე საერთაშორისო პარტნიორისთვის სასურველი სტუმარი და არის თუ არა პრობლემა, როდესაც პრეზიდენტს არ ექნება დიპლომი, ასე უპასუხა:
„სასურველი სტუმარი უნდა განსაზღვრო იმის მიხედვით, რამდენად სასურველია ქვეყანა, რომელმაც აირჩია ის პრეზიდენტი, პარლამენტის თავმჯდომარე, პრემიერი და ა.შ. რა წესითაც და რომელი ქვეყნის მიერაც ირჩევა ლეგიტიმურად, იმის მიხედვით უნდა განსაზღვრო.
რაც შეეხება დიპლომს, თქვენ შემთხვევითი გგონიათ, რომ ძალიან ბევრი ქვეყნის კონსტიტუციაში პარლამენტის და პრეზიდენტის ცენზთან დაკავშირებულ რაიმე საკითხებში დიპლომი რომ მოხსენიებული არ არის?! სამშობლოს სიყვარულს და ერთგულებას დიპლომი არ სჭირდება. ბევრზე მეტად განათლებულია დიპლომის გარეშეც მიხეილ ყაველაშვილი. თანამდებობებია, რასაც შესაძლოა მაგისტრის ხარისხი სჭირდებოდეს, თუმცა, პრეზიდენტებზე და პარლამენტის წევრებზე დიპლომს არ ვითხოვთ.
ყოფილა შემთხვევები, რომ დიპლომის გარეშე ყოფილა ერთ-ერთი ევროპული ქვეყნის პარლამენტის თავმჯდომარე, თუ არ ვცდები. სამშობლოს სიყვარულს და ერთგულებას არ სჭირდება დიპლომი და ელემენტარულ კომპეტენციებში გარკვევას არ სჭირდება დიპლომი. თუ ვინმეს კითხვა გაუჩნდება ამ ფაქტზე, უთხარით, რომ რადგან ეს ცენზი ასე არის დაწესებული, მის არჩევაზე ბევრი კრიტერიუმია, რის გამოც კონკრეტულ კომპეტენციას მორგებული კანდიდატურა რამდენად შესატყვისია, ამ პრეზიდენტის კონკრეტულ კომპეტენციას ერგება მისი კანდიდატურა, ეს არის მთავარი ამოსავალი, სამშობლოს სიყვარულში ყველა შევეჯიბრებით ერთმანეთს“.
საქართველოს პრეზიდენტობის კანდიდატი მიხეილ ყაველაშვილი იქნება.
“მიშა მაგარია!”; “აგი ნაციონალი ყოფილა” – მდინარაძის პოსტი და კომენტარები
კომენტარები