“ლელოს” წევრი, იურისტი, კახა კოჟორიძე აცხადებს, რომ პრემიერმინისტრის მხრიდან პატიმრის ფსიქიკურ მდგომარეობაზე ცინიკური საუბარი ამორალურია. მისი თქმით, ფაქტია, რომ ღარიბაშვილს კანონი და სამართლებრივი სტანდარტები არ აინტერესებს.
ის “ოცნების” გუნდის წევრებს ურჩევს ღარიბაშვილს ვაჟა-ფშაველას და ხალხური პოეზია მაინც წააკითხონ.
“პრემიერის მხრიდან პატიმრის ფსიქიკურ მდგომარეობაზე ცინიკური საუბარი არის ამორალური საქციელი! მით უმეტეს, რომ ეს პატიმარი ყოფილი პრეზიდენტი და მისი პოლიტიკური ოპონენტია. ქართული კულტურა ამბობს, რომ მტერსაც კი ღირსეულად უნდა მოექცე. აქ კი საუბარია ოპონენტზე, რომელსაც დღეს ბორკილები ადევს. ფაქტია, ღარიბაშვილს კანონი და სამართლებრივი სტანდარტები არ აინტერესებს. ხოდა ვაჟა-ფშაველა და ხალხური პოეზია მაინც წააკითხეთ ვინმემ”, – წერს კახა კოჟორიძე.
ღარიბაშვილმა დღეს გავრცელებულ ღია წერილში მიხეილ სააკაშვილის საქართველოში ჩამოსვლის სხვადასხვა ვერსიებზე იმსჯელა.
კომენტარები