“ლელოს“ ლიდერი მამუკა ხაზარაძე საქართველოს პრემიერ-მინისტრ ირაკლი ღარიბაშვილის მიერ დღეს გაკეთებული განცხადების გადამოწმებას ითხოვს და წერს:
“ქართული ანდაზა – “ტყუილს მოკლე ფეხები აქვს.”
ტყუილი პირველი: 2021 წელს ერთ სულ მოსახლეზე GDP იყო $ 5,015. პრემიერმა დღეს გვახარა, რომ ის $7,500 გახდება. ეს ნიშნავს იმას, რომ ეკონომიკის 40%-იანი ზრდა გვქონია ან გვექნება, რაც დაუჯერებელია და არ არის სიმართლე.
ტყუილი მეორე: 100 000 ახალი სამუშაო ადგილი შევქმენითო, განაცხადა ასევე პრემიერმა, რასაც დასჭირდებოდა მინიმუმ 2 მილიარდი დოლარის რეალური ინვესტიციები ეკონომიკაში, ან 2000 საწარმო უნდა გახსნილიყო, სადაც საშუალოდ 50 ადამიანი მაინც დასაქმდებოდა… დაუჯერებელი ამბავია, სასაცილოც კი!
გავითვალისწინოთ ისიც, რომ ქვეყანა 6 თვეში 100 000-მა ადამიანმა, რეალურმა სამუშაო ძალამ დატოვა. საინტერესოა, რატომ არ საქმდებიან ეს ადამიანები ახალ გახსნილ საწარმოებში და რატომ გარბიან ქვეყნიდან?!
ქართველი ეკონომისტების შეფასება მაინტერესებს ამ საკითხებზე!
ტყუილს სანამ არ მოვრჩებით, არაფერი გვეშველება!“.
კომენტარები