პოლიტოლოგი, ლევან ლორთქიფანიძე:
“ქვეყნის პრემიერ-მინისტრი პატიმრის ფსიქიკურ მდგომარეობასა და ნარკოდამოკიდებულებაზე არ უნდა აქვეყნებდეს ღია წერილებს, არ უნდა ჭორაობდეს.
თუ ცუდად არის ციხეში, ის არც პირველია და არც უკანასკნელი! ციხეს თავისი საავადმყოფო აქვს, ჰყავთ ფსიქოლოგები, სოციალური მუშაკები. ალბათ, დაწესებულებაში მოქმედებს შინაგანაწესი, როგორღაც დააწყნარებენ, 8 წელი აქვთ დრო.
თუ მისი ჯანმრთელობა ისე გაუარესდა, რომ სამოქალაქო მშვიდობასა და პოლიტიკურ სტაბილურობას შეიძლება შეექმნას საფრთხე, განცხადება პენიტენციალურმა სამსახურმა უნდა გაავრცელოს. შემდეგ შეიძლება უკვე იმ განცხადების ინტერპრეტირება ზარქუას დონის პოლიტიკოსებისა და სხვა “ვისკაჩკების” მხრიდან.
საქართველოს სჭირდება საქმიანი, აკადემიურად მოსაუბრე, წვრილმანებზე მაღლა მდგარი, ნაკლებად ნერვიული პრემიერ-მინისტრი და არა ისეთი ლიდერი, რომელიც ფბ-ზე ასეთ რაღაცებს ნიშნის მოგებით წერს. მოკლედ, სერიოზული კაცი უნდა იყოს მთავრობის თავმჯდომარე და არა ისეთი, რომელსაც ყოველ წამს სურს ჩვენთვის თავისი თანამდებობის, სტატუსის, როლის, ძალაუფლების შეხსენება.
სააკაშვილი ციხეში უნდა იყოს ბოლომდე, მშვიდად, არ სჭირდება კიდევ ცინიზმი, ისედაც ჯოჯოხეთშია.”
კომენტარები