“პოლიციელმა ჩაარტყა თავში და ზურგში” – შაქარაშვილის საქმეზე დაკავებული მხარის სკანდალური განცხადება

გარდაცვლილი ფეხბურთელის საქმეზე დაკავებული არასრულწლოვნის ადვოკატი სკანდალურ განცხადებას აკეთებს.

გიორგი გელხაური ამბობს, რომ სასურველი ჩვენების მოპოვების მიზნით, პოლიციამ დაბადების დღეზე მყოფი არასრულწლოვანი სცემა.

იგი აცხადებს, რომ მისი დაცვის ქვეშ მყოფი, თბილისში ჩამოსვლის დაკითხვისას მასზე პოლიციამ ფიზიკურად იძალადა. ადვოკატის განმარტებით არასრულწლოვანზე მამის თანდასწრებით იძალადეს:

“ჩემი დაცვის ქვეშ მყოფი აცხადებს, რომ ჩვენების მიცემის დროს მასზე განხორციელდა ფიზიკური ძალადობა, პოლიციელების მხრიდან. ის არასრულწლოვანია და გამოკითხულია მშობლის თანდასწრებით, თუმცა გამოკითხვას არ ესწრებოდა ადვოკატი. მასზე განხორციელდა როგორც ფიზიკური ასევე ფსიქოლოგიური ზეწოლა. მას მოხვდა თავში და მოხვდა ზურგში. ეს ხდებოდა მცხეთის პოლიციის რაიონულ განყოფილებაში”