პოლიციელი, რომელიც 21 წლის ბიჭს გუდავდა, თანამდებობაზე რჩება – დეტალები

ფოტო – ტვ პირველი

დადგენილია პოლიციელის ვინაობა, ვინც ზემო ვერაზე 21 წლის ბიჭის მოხრჩობას ცდილობდა. “პირველების” ინფორმაციით, არსებობს რამდენიმე მოწმე და კამერის ჩანაწერები, სადაც კარგად უნდა ჩანდეს, როგორ აუშარდა პოლიცია დაკრძალვაზე მიმავალ ახალგაზრდებს, შემდეგ ფიზიკურად იძალადა და ერთ-ერთს ყელშიც კი წაუჭირა.

ყველა ვინც ძალადობაში ამხილეს, ისვე პოლიციაში მუშაობს. მძიმე ბრალდებების მიუხედვად, მათთვის უფლებამოსილება არავის შეუჩერებია. ახლა ზეწოლა 21 წლის ლაშა ჟღენტის ოჯახზე მიდის, რომ გაჩუმდნენ.

დღეს ნაცემ ბიჭს მეორე ექსპეტიზა ჩაუტარდა, თუმცა სამედიცინო შემოწმების გარეშეც, ძალადობა შეუიარაღებული თვალითაც კარგად ჩანს.

მთავარი არხის ინფორმაციით კი, პოლიციელი, რომელმაც, სავარაუდოდ, 21 წლის ახალგაზრდაზე იძალადა, შინაგან საქმეთა სამინისტროს დეტექტივი ლევან სამნაშვილია. იდენტიფიცირებული პოლიციელი თბილისის მესამე განყოფილების თანამშრომელია.

ის შსს-ს ერთადერთი თანამშრომელი არ არის, რომელიც ამ დაპირისპირებაში იღებდა მონაწილეობას, მასთან ერთად კიდევ 3 პოლიციელი იმყოფებოდა, თუმცა მათი იდენტიფიცირება ამ დროისთვის ჯერ არ მომხდარა.

ლევან სამანაშვილი თავად ძალადობის მსხვერპლმა, ლაშა ჟღენტმა ამოიცნო.