პოლიციელების რაოდენობა არ აღმოჩნდა საკმარისი უსაფრთხოების უზრუნველსაყოფად – მიხეილ სარჯველაძე

“ქართული ოცნების” დეპუტატი მიხეილ სარჯველაძე, 5 ივლისის მოვლენებზე ამბობს:

“5 იქნება, 25 თუ 125 ამას მნიშვნელობა არ აქვს, მთავარია, რომ არც ერთი ფაქტი რეაგირების და სათანადო სამართლებრივი პასუხის გარეშე არ დარჩეს. იმ დროს, როცა ინციდენტები დაიწყო, ნამდვილად არ იყო მოსალოდნელი მოვლენების ასე განვითარება, შესაბამისად პოლიციელების ის რაოდენობა, რომლებიც უშუალოდ ამ მოვლენების ეპიცენტრში იმყოფებოდნენ, არ აღმოჩნდა საკმარისი რაოდენობით, რომ ეს უზრუნველყოფთა აბსოლუტურ დაცვას და უსაფრთხოების უზრუნველყოფას ჟურნალისტების და სხვა ადამიანების. შესაბამისად, მყისიერი იყო რეაგირება ესეც უნდა ვთქვათ და ძალიან სწრაფად რაოდენობა შეიქნა ისეთი, რომელმაც შემდგომ ესკალაცია გამორიცხა”