ახალგაზრდა კაცმა, რომელზეც პოლიციელებმა იძალადეს, გორის წინასწარი მოთავსების იზოლატორი დატოვა – ინფორმაციას და კადრებს TV პირველი ავრცელებს და წერს, რომ ის ექსპერტიზაზე გადაჰყავთ.
მისი ადვოკატის, ლაშა ტყეშელაძის ინფორმაციით, მას პოლიციელზე ძალადობას ედავებოდნენ: “მასზე მოხდა სამ სხვადასხვა ლოკაციაზე ძალადობა… მრავლობითი დაზიანებები აქვს, ხილული არი, აღენიშნება სახეზე, აღენიშნება ტანზე, აღენიშნება კიდურებზე, მრავლობითი დაზიანებები აქვს” – თქვა ლაშა ტყეშელაძემ მედიასთან
პაპუნა ლოცულაშვილი, ვისზეც პოლიციელებმა დღეს გორში იძალადეს, ცოტა ხნის წინ დააკავედ. მისმა ადვოკატმა ლაშა ტყეშელაძემ თქვა: “…ყველაზე ცინიკურია, რომ რომელი პოლიციელიც ძალადობდა, აი სწორედ მაგ პოლიციელებმა ჩამოიყვანეს და მაგ პოლიციელებმა გადაიყვანეს იზოლატორში. ერთი მხრივ, აკავებენ ადამიანს, რომელიც არის წამების მსხვერპლი და მეორე მხრივ, ის მოძალადე პოლიციელები, რომლებიც პირდაპირ წამება განახორციელეს, რამოდენიმე წუთის განმავლობაში ძალადობდნენ მოქალაქეზე, ამ წუთამდე დაკავებული არ არიან”
მანამდე გორიდან გავრცელდა კადრები, სადაც ჩანს, რომ კომბინატის დასახლებაში პოლიციელები მოქალაქეებს ფიზიკურად გაუსწორდნენ და დააკავეს. მოგვიანებით პროკურატურამ გაავრცელა განცხადება, რომ გორში პოლიციელების მხრიდან მოქალაქეებზე ძალადობაზე გამოძიება დაიწყო
კომენტარები