“პოლიციაში წყლით სავსე ბოთლებით და მუშტებით მცემეს” – “გომელაურის მემკვიდრეობა”

ტვ პირველის ცნობით, 48 წლის კაცი მარნეულის პოლიციის უფროსის მოადგილეს თავდასხმის ორგანიზებაში ადანაშაულებს. ნამიკ ბაირამოვი ამტკიცებს, რომ 15-მდე პოლიციელმა ჯგუფურად წყლით სავსე ბოთლით და მუშტებით სცემა, დანაშაული კი პოლიცილებმა  უფროსის მოადგილის სამირ ისმაილოვის კაბინეტში ჩაიდინეს. როგორც ბარამოვი ამბობს, პოლიციელები მას რიგ-რიგობით ნახევარი საათის განმავლობში სცემდნენ და აგინებდნენ, რის შემდეგაც სასწრაფო გამოუძახეს და კლინიკაში გადაიყვანეს

ნაცემი მამაკაცი “პირველებს” უყვება, რომ ანგარიშსწორებამდე, პოლიციის უფროსის მოადგილე სამირ ისმაილოვი ერთ–ერთ ბენზინგასამართ სადგურზე შეხვდა. პოლიციელი მას მიესალმა, მოქალაქისგან კი საპასუხო რეაქცია ვერ მოისმინა. გაბრაზებულმა კი 48 წლის კაცს კოლეგები მიუგზავნა, განყოფილებაში გადააყვანინა და შური იძია.

მედიის ცნობით, მოქალაქეზე ანგარიშსწორება ვერც უარყო და ვერც დაადასტურა პოლიციის უფროსმა.

ნამიკ ბაირამოვი ავერსის კლინიკიდან თავისსა და სახის არეში მიყენებული დაზინებებით და ნეკნების მოტეხილობით დღეს გამოწერეს. დაზარალბულმა მომხდარის შესახებ სპეციალურ საგამოძიებო სამსახურს წუხელვე აცნობა.