პირველად ისტორიაში, “სამართლიანი არჩევნები“ ადგილობრივი არჩევნების დაკვირვებაზე უარს ამბობს. ორგანიზაციაში აცხადებენ, რომ გადაწყვეტილება რამდენიმე ფაქტორმა განაპირობა.
მათი თქმით, ხელისუფლების რეპრესიულმა კანონებმა, შეცვლილმა საარჩევნო კოდექსმა, მესამე სექტორის წინააღმდეგ გამოცხადებულმა დევნამ არჩევნებზე დაკვირვება შეუძლებელი გახადა.
სამართლიანი არჩევნების იურისტები ამბობენ, რომ არსებული წინასაარჩევნო გარემო უკვე არღვევს თავისუფალი და სამართლიანი არჩევნებისთვის საჭირო სტანდარტებს და იძლევა საფუძველს თქვან, რომ 4 ოქტომბრის არჩევნები დემოკრატიული ვერ იქნება.
იურისტების თქმით, კენჭისყრის დღეს პროცედურების ზედმიწევნით დაცვაც არ იქნება საკმარისი პროცესის დადებითად შესაფასებლად.
კომენტარები