ანალიტიკოსი, ზურაბ ქადაგიძე, ავრცელებს ჯანდაცვის სამინისტროს წერილის ლინკს და წერს:
“შეხვდნენ დევნილებს,2022ში ყველა თავის ფართს მიიღებს და მანამდე ქირით გადიოდნენ, რაზეც შეთანხმება მოხდა…
დღეს ისევ დაიწყოს ამ თემის წამოწევა და სიმართლე უნდა ითქვას ნამდვილად აღარ ჰგავს ბუნებრივ პროტესტს…
ჯანდაცვის სამინისტრო, საქართველოს მთავრობა გაარკვიეთ რაშია საქმე!!!
პირობა დადეს რადიკალმა ოპოზიციონერებმა, რომ ყველა თემას აგიყირავებთო და აჰაა მეტი კი არაფერია…
მიაქციეთ ყურადღება ათასი რჯულის ნაძირალა ცდილობს ხელის მოთბობას და სწრაფი რეაგირებაა საჭირო!”
განცხადებაში, რომელსაც ზურაბ ქადაგიძე აქვეყნებს, წერია, რომ მინისტრის მოადგილე დევნილებს შეხვდა და თქვა, რომ “ყოფილ სანატორიუმ „ქართლში“ მცხოვრები დევნილები ახალ საცხოვრებელ ფართებს 2022 წელს მიიღებენ, მანამდე კი სამინისტროს წარმომადგენლებმა დევნილ ოჯახებს დროებით ქირით გადასვლისკენ კიდევ ერთხელ მოუწოდეს.”
სამინისტროს ეს განცხადება 12 იანვრითაა დათარიღებული.
შეგახსენებთ, რომ მინისტრის მოადგილის ამ “მოწოდების” შემდეგ, რომელსაც დევნილები, მათივე განცხადებით, არ ენდობიან, დევნილებმა კიდევ ერთი აქცია გამართეს, ამჯერად მთავრობის ადმინისტრაციასთან.
კომენტარები