“პირდაპირ გეტყვით, ეს არის მიმართული ეკლესიის დისკრედიტაციისკენ” – თალაკვაძე

არჩილ თალაკვაძემ მიტროპოლიტ შიო მუჯირის ხმაურიანი ქადაგების შეფასებისას, თქვა:

თანამოსაყდრე შიოსთან მიმართებაში ჩვენ ვნახეთ მართლაც სიძულვილით აღსავსე შეფასებები. შეფასებები, რომლებიც უსამართლოა და პირდაპირ გეტყვით, რომ არის მიმართული ეკლესიის დისკრედიტაციისკენ…

ეკლესიაზე თავდასხმა, ეს არის ,,ნაციონალური მოძრაობის” და მისი პროპაგანდისტული არხების ერთ-ერთი მთავარი ამოცანა. მოგეხსენებათ, რომ წლების განმავლობაში, ზუსტად ეს ადამიანები, ,,ნაციონალური მოძრაობა”, მათი პოლიტიკური, პარტიული პროდიუსერები აქტიურ კამპანიას აწარმოებენ საქართველოს ეკლესიის წინაშე”

შეგახსენებთ, გუშინ, 17 ოქტომბერს, მეუფე შიო მუჯირმა საყოველთაო შერიგების იდეა გააკრიტიკა და თქვა, რომ ასეთი რამ სახარებაში არ წერია. მეუფე შიოს თქმით, “ასეთი რამ სახარებაში არ გვიწერია და, გარდა იმისა, რომ სამართლიანი სასჯელითაც უნდა აღიკვეთოს ბოროტება, ასევე ზოგჯერ, უკიდურეს შემთხვევებშიც, უნდა მოვიკვეთოთ ასეთი ადამიანი, პირად მტერზეა საუბარი, მოვიკვეთოთ ჩვენი ცხოვრებიდან, ან საზოგადოებიდან.”